ئێک ژ شینوارێن دێرین یێن پارێزگەها #دهوک#ێ کۆ شکەفتا چارستینە، دکەڤیتە گەلیێ دهۆکێ، ژلایێ چەند جهێن جودا جودا دا کار لسەر دهێتە کرن بۆ نۆژەنکرنێ.
د. بێکەس بریفکانى، رێڤەبەرێ شینوار و کەلەپۆرى ل پارێزگەها دهوکێ دیار کر: د نووکەدا پرۆژەکێ مەزن د دەستێ مەدا هەیە، کۆ نۆژەنکرنا شینوارێ چارستینە ئەوا دکەڤیتە گەلیێ دهوکێ و مێژوویا وێ شکەفتێ بۆ بەرى هزاران سالان دزڤریت.
رێڤەبەرێ شینوار و کەلەپۆر ل پارێزگەها دهۆکێ ئاماژە ب وێ چەندێ ژى دا: د ڤى پرۆژەیدا کۆ کارێ سەخبێرکرنێ دهێتە بجەئینان، د پێنگاڤەکێدا رێک دێ هێتە دروستکرن بۆ چوونا شکەفتێ، د هەمان دەمدا دگەل درۆستکرنا پەرجانەکێ بۆ شکەفتێ، دیسان دێ جهێن بهێنڤەدانێ ل دەوروبەرێن شکەفتێ هێنە دروستکرن.
دووپات ژى کر: د نۆژەنکرنا شکەفتا چارستیندا دەرفەتا کارى بۆ 14 هزار رۆژێن کارى دێ دابین کەت و گەنجێن دهۆکێ دێ ژ وان کاران مفادار بن، کۆ ئەڤ پرۆژە ب سەرپەرشتیا رێڤەبەریا شینوار و کەلەپۆرى ل پارێزگەها دهوکێ و ب هاریکاریا پارێزگەها دهوکێ و رێکخراوا یۆنسکو و رێکخراوا کار یا نیڤدەولەتى و رێکخراوا واد یا ئەلمانى، دگەل هاریکاریێن ماددى یێن ئێکەتیا ئەورووپا ئەو کارە دهێتە کرن و پێنگاڤەکا گرنگە بۆ پاراستنا شینوارێن پارێزگەها دهوکێ.
جهێ ئاماژەدانێیە، شکەفتا چارستین ب جهەکێ مێژووى یێ دێرین ل پارێزگەها دهوکێ دهێتە هژمارتن، کوو مێژوویا وێ بۆ هزارا ئێکێ بەرى زایینى دزڤریت.[1]
کوردیپیدیا مسئولیتی در قبال محتویات این مطلب ندارد و صاحب آن مسئول است. کوردیپیدیا آن را برای اهداف آرشیوی ضبط کرده است.
این مقاله بە زبان (کرمانجی) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
این مقاله 463 بار مشاهده شده است
نظر خود را در مورد این مقاله بنویسید!