ژووژوو ماچۊ بەچەو هیچ گېیانەوەرێ ئڼەو بەچەو من نەرم و شل نیا
پېسە مزانمۍ ژووژوو گېیانەوەرێ دڕەیینەن، گردو گېیانیش پېسە دڕەیا تیژەن، بە زەحمەت ڕاوە کریۊن. هەر ئەپا پۊسە دڕەیدارەیشە وېش پارېزنۊ جە پەلامارەو گېیانوەرە دڕڼەکا.
بەچە یام زاروڵەو گرد گېیانەوەرێ جە لاو ئەڎا و تاتەیشۆ وەشەویس و شیرینەن، گەر تەماشە بکەرمۍ زاروڵەی چامنە هەن فرە پیس و پۊخڵەن، خەڵک حەزمەکەران نزیکشنان بگنۊ، بەڵام چەنی ئانەیچە دلۍ دڵو ئەڎا و تاتەیشەنە فرە زەریف و شیرینەن، ئەپا پیسیۆ باوشیش مەکەران پۊرە، ماچش کەران، وېشا مەکەران قوربانەش.
بەچەو ژووژووی پېسە ئیدیۆمێ بەکارئامان پەی نیشاندای وەشەویسی ئەڎا و تاتەی پەی زاروڵەکاشا، هەر چەنی ژووژوو دڵ و گېیانش بەچە دڕەینەکەشەن، ئەپاسە گرد گېیانەوەرێ ڕەحمش پەی زاروڵەکاش بۍ سنوورەن.[1]