بە قڼگە خەتا کەرۊ
خەتا کەردەی، یام هەرمانەی لارە بە دەس کریۊن، یام بە دەم، بەڵام ئیدیومەکۍ باس جە یاگێ تەری کەرۊن کە خەتاش پەنە کریۊن، بەڵام بە واقیعی پاسنە نېیەن.
بڕێ کەسۍ هەنۍ فرە جووڵەرۍ و ژڵېویەرېنۍ، نە دەسېشا مدرا، نە قاچېشا، دەمیچشا هەر دەم هەرمانە کەرۊن. ئیدیومەکۍ فرەتەر پەی زاروڵا بەکارمێ، زاروڵۍ هار و هاجۍ، دلۍ یانەینە، وەختو مېمانینە، مەشۊم دایېم دەمشا سەرۆ بۊ کە ئاگاڎارۍ بکریاوە هاریۍ نەکەران، بڕێ جارېچ ئڼە هاریۍ کەران ئیتر ئەڎا و تاتەشان مڎاشان وەنە، بەڵام هەر ئا دەقەنە، دماتەر ئەجۊ هەر ئاڎۍ نەبیېنۍ!
گەر بە زۊر سووچێنە نیشناشارەو نازان هۊرزاوەو هاریۍ بکەران، ئانە بە دەم و بە قاچۍ هەرمانەو وېشان مەکەران، گەر نەفەرێ وەردەمشارە بۊیەرۊن، پانجەقولېش مڎان، یام قاچشا گیرنا وەرو قاچاش پەی ئانەیە بگلېرۊ، ئیتر گۆرەکۍ پەنەشان ماچان بە خوڎا برا ئینە حەلشان نېیەن، بە قڼگەیچ خەتا کەران.[1]