ئەنجومەنێ سەرانسەرین پەی هۆرامانی
ئازیزا، پېسە مزاندێ هۆرامان پێگێوی گرنگش هەن جەکوردستان و باشوریەنە جە ڕوو جوگرافیایۆ متاومۍ واچمێ یاگێوی فرە عالەنە هۊر کۆتەن وەشبەختانە
هام سنورەکی هۆرامانی جەڕۆژهەڵاتەنە ئاێچێ هۆرامێنێ و چندین ساڵێن چنیشا بازرگانی کرێۆ
جە ڕوەو گەشتیاریچۆ
وەشترین سرووشتما هەن مایەو وەشحاڵیا
خەڵکو هۆرامانی متاو بەپاو توانای چا بوارەنە وېش سود مەند کەرۊ بەگشتی چندین تایبەت مەندیێ هەنێ هۆرامانەنە متاومۍ سودشا چنە هۊر گېرمێ جائینێچە وەڵێ گرد چېوی پەنەۋازش بەڕېک وستەی ئەوە پەرسایی هەن
بابەتی سەرەکی ئینەنە بڕیار دریان ئەنجوومەنێوی باڵا
بنریۆرە پێ هۆرامانی بەبەشتاری گردو ئەنجوومەن و شارۆچکەو دەگایەکا هۆرامانی یاگۆ ڕەزامەندی گردو
هۆرامیەکا بوو وەیاگوو وەشحاڵیا ئی ئەنجوومەنە
زوان حاڵ و خەڵکوو هۆرامانیا بەگردو دەنگ و ڕەنگ و
خەڵکەکەیۆ بەدوورا جە دەستی حزبی و تەنها مەبەستشا ئانەنە خەڵکو ئېمە زیاتر یۊ گېرتە و بە هېز تەر بوو سەر داواکەردۆ مافەکا وېش و بەدەست ئاوردێشا
داوا کەرمۍ گردۆ خەڵکوو هۆرامانی پشتگیری ئی پڕۆژەیە کەرا هەرمانێ جدی کەرا پێ سەرکۆتەێش
داوا جاکەسایەتیە بەڕېزا کەرمۍ ئێنێ دلێ حزبە سیاسیەکانە تاکو ئایاگێ متاوا پشتیوانی چی ئەنجوومەنەیە کەرای تاکو ئاڎیچی بتاوای نمایەندێ گردو هۆرامانی بانۍ دلێ یایەنە سیاسیەکۆ وېشانە.
دەست جە دەست پشتیوان بەخوڎای.
شمێچ متاودێ ڕا و سەرنج و وېتا واچدێ سوپاس پێ گردو هۆرامانی.
هیوا نەسرەدین.[1]