گېڵایۆ مەولانا خالیدی پەی کوردەسانی
دمای ئانەی مەولانا جە هیندستان پەی ماوەو یەک ساڵۍ خزمەتو شېخ عەبدوڵڵای دەهلەوینە بۊن، بە فیوزاتو ئاڎی مەیاوۊ بە پلێوە کەماڵی، ئیجازەو خەلافەتی و ئیرشادیش چەنە وەرگېرۊن، شا عەبدوڵڵا فەرمانش پەنە کەرۊن بگېڵۊوە پەی کودەسانی و خەریکو ئیرشادی و وەڵاکەردەیۆ تەریقەتو نەقشبەڼی بۊن و ڕانیشاندەرو ئانېشا بۊن کە شۊنەو ڕاو خوڎا ئەشناسیرە مەگېڵان.
مەولانا بە شېخ عەبدوڵڵای ماچۊ: ئاخر کوردەسان پەڕەن جە زانێ و مەڵڵێ خاوەن کەراماتۍ پایە بەرزۍ پېسە بەرزنجیەکا و حەیدەریەکا، شاعەبدوڵڵایچ پەنەش فەرماوۊ تۊ لوۆ پەی ئاگەی خەریکو ئیرشادو وېت بە، ئاڎۍ گرد مەیانو چواردۆرتەنە گلېرۍ مەباوەو خزمەتت مەکەران، هەرچی پیێ پایەبەرزۍ دنیێنۍ مەیان دەسېت ماچ کەران. ئیتر مەولانا خالید ئاماڎەیی وېش پەی فەرمایېشتەکەو شا عەبدوڵڵای بەرمەوزۊن، ئینجا شا عەبدوڵڵا مەپەرسۊش وەنە: خالید چېشی تەرت گەرەکەن، مەولانا خالیدیچ فەرماوۊ: دینم گەرەکەن و دنیاچم گەرەکەن پەی بەهېزکەردەو دینەکەی.
شا عەبدوڵڵایچ فەرماوۊ: لوە ئانا گردم پەنە بەخشای، ئیتر مەولانا مەگنۊ ڕا، شا عەبدوڵڵاو موریدەکېش تاکو ماوەو چوار میلا مەیان چەنیش و ڕاییش مەکەران.
وەختوخوڎا حافیزینە شا عەبدوڵڵا پەنەش فەرماوۊ کە یاوایۆ کوردەسان، لوە زیارەتو ئارامگاو غەوسی گەیلانی کەرە.
مەولانا، ڕاو ئێرانیش کېرتە، مەیاوۊ شیراز و هەمەڎان، چاگەیچۆ پەی (سنە)ی، چاگە خەڵکێ فرە جە زاناو مەڵڵایا ملان پېوایشۆ، هەر ئەچاگە زانای گۆرە (شېخ موحەمەڎ قەسیمی مەردوخی) کە وەڵتەر مامۊساو مەولانای بېیەن وېش تەسلیمو مەولانای کەرۊو سەرو دەسیشەنە تەریقەت وەرگېرۊن.
ساڵەو (1226ک) تەشریفش مەیاوۊوە سلێمانی.
ئەسعەد ڕەشید.[1]