بەرپرسی مەکتەبی ڕێکخستنی پارێزگای #کەرکووک#-گەرمیانی #پارتی دیموکراتی کوردستان# لەگەڵ مامۆستایانی ئایینی کەرکووک کۆبووەوە، ئامانج لە کۆبوونەوەکەش ھۆشیارکردنەوەی ھاووڵاتییان و بڵاوکردنەوەی پەیامی پێکەوەژیان و ئاشتەواییە لە کەرکووک.
دکتۆر #کەمال کەرکووکی#، بەرپرسی مەکتەبی ڕێکخستنی پارێزگای کەرکووک-گەرمیانی پارتی دیموکراتی کوردستان، لەگەڵ مامۆستایانی ئایینی پارێزگای کەرکووک کۆبووەوە.
دکتۆر کەمال کەرکووکی، کارنامەی پارتی دیموکراتی کوردستانی سەبارەت بە کەرکووک بۆ مامۆستایانی بەڕێزی ئایینی ڕوونکردەوە و جەختی لەوە کردەوە کە مامۆستایانی بەڕێزی ئایینی ڕۆڵێکی زۆر گرینگی لە ھۆشیارکردنەوەی ھاووڵاتییان و بڵاوکردنەوەی پەیامی پێکەوەژیان و ئاشتەوایی لە کەرکووکدا دەبینن و لەم ھەڵبژاردنەشدا زۆر پێویستە کە ھاونیشتمانیان ھۆشیار بکەنەوە کە گرنگی ئەم ھەڵبژاردنە بۆ ھاووڵاتییانی کەرکووک ڕوون بکەنەوە. [1]