ئەرۍ تۊ شېعرۍ شاملۊیت بە دڵەنۍ؟
باوەیس ئەرې تؤ شېعرې شاملویت بە دڵەنې؟
بارام دەی ئیجا کەس هەن، ئەر گېچەڵېش نەبا پەنە، شېعرې شاملویش بە دڵ نەبا؟ خاسا چی پەرسی؟
باوەیس ڕاسەت گەرەکەنە منیچ هەر فرە وەشم جە شېعرا مامؤسا شاملوی مێ و بە تایبەت ئا شېعرې کە باسو دەردې هامبەشې کەرؤ، ئانې کە ماچؤ من دەردەی موشتەرېکەنا و مشیؤ هاۋارم کەری.
ئای، ئای ئانې عەزەمەتەنە!
بەڵام
بەڵام بې بەڵام! بەڵامو چېشی؟ ئا شېعرې هیچ بەڵامېۋش مەلکؤ پؤرە.
واز بارە با قسەکېم کەرو! ئیسە تؤ حەز بە بەڵام مەکەری، ماچو وەلې، وەلې، ئەرې وەلې هەرچی سەرە مارو و بەرو ئارؤ هیچ دەردېۋە نېیەنە کە شەریکی گردو بەشەری بؤ. ئەر گردو هام نۆعو بەشەرا بە بەشەر بنیەیەرە. کامە دەردە تؤ پەنجەش پەی کېشی بەشېۋ جە مەردمی نانش موەرا. و پا بؤنۆ وەیش کەرا و ئەرتەش و مەزەبش پەی بە خزمەت گېرا و چوزانو هەزار بەمبؤڵېتەرې. فرېشا هەر مارایشا مارانە.
ئاخر دەی شاعر هەرمانەش ئانې نېیەنە ئاد هەر هەسەکەی وەش کەرؤ و ئاندە مەلؤرە بنە و ئانە ئیتر هەرمانەو سیاسیانە.
ڕاس ماچی دەی منیچ هەر ئانەیە ماچو. ئانې کە ئی دەردې لاشاۋە دەردەنە و نەک خێرە، مشیؤ بەیانە مېدان و وېشا ڕېک ۋزا و بلا گژې ئانیشاۋرە کە ئانا دەردەکا وەی کەرا و یا ماراشانە. بەشەرو ئارؤی مشیؤ بتاۋؤ سەرچەمەو دەردەکاش بېزؤۋە و دەرمانشا کەرؤ، ئەڵبەت تاکو ڕادېۋی فرەیچ دەرمان ئینا دەسۆ بەڵام زامەتەکە ئینا چانە کە ئی مەخلؤقە بە ئاسان گلېر مەکریؤۋە و ئەۋېچې بە ئارەزو هەۋاکەی لېڵ کەرا و ئەسپەکاشا تاۋ مڎا. باسو سیاسیات کەرد، یانەو ئەغڵەبو ئاڎیشایچم کاۋل کەردە، فرېشا بیېنې بە نؤکەرې دەرد وەش کەرەکا. جیا چینەیە مامؤسا شاملو ماچؤ بە هاۋارې، بەڵام دەی تەنیا بە هاۋارې مەکریؤ، ئانې کە دەردەکې وەی کەرا گؤششا جە هاۋارا نیا. مشیؤ بلی دەسەڵاتشا دەسۆ بسانی.
هەتیم ئی قسا لا منۆ کەری قێد مەکەرؤ، بەڵام هەر پاسە کە وېت وەش وەش ماچی بەڵام، بەڵام ئاچا سەرو کوجیېۋە کەس دەمتۆ بژنەۋؤ ۋېرەگا ماشاتۆ!
نانا مەتەرسە ئینیشا هەر لا تؤۋە ماچو!
سیامەند هۆرامی.[1]