پاش هەڵسەنگاندن و بەشداری کردن لە تاقیکردنەوەی کاراتێی جیهانی بۆ پلە بەندی دان شەش، دواجار #شاخەوان ئەحمەد#ی ڕاهێنەری تیمی کاراتێی یانەی وەرزشی پێشمەرگە توانی بڕوانامە جیهانییەکە بەدەست بهێنێت.
ئەمە و پاش گەیشتنی بڕوانامەکەی کە لەلایەن، د.تێرس ئۆدیشۆ باوەڕ پێکراوی یاری کاراتێ‌ لەسەر ئاستی جیهان و نوێنەری وڵاتانی یابان لە وڵاتی ئێراق بە فەرمی ناسێنرا، ئەو بڕوانامە جیهانییە لەلایەن بەڕێز حاکم #مەحمود ئەحمەدموراد# جێگری سەرۆکی یانەی وەرزشی پێشمەرگە بەخشرایە، شاخەوان ئەحمەد و هەروەک جێگری سەرۆکی یانە وێڕایی پیرۆزبایی خۆی و یانەکەیان هیوایی سەرکەوتنی بۆ کاپتن شاخەوان خواست و پێی ڕاگەیاند کە ئێوە هەمیشە دڵسۆزانە کارتان لەنێو یانەی پێشمەرگە بۆ ئەنجام کردووە و هەوڵتان داوە یارییەکە لە یانەکەمان ئاستی بەرزتر و بەرزتر بێتەوە.
ئەمە و شاخەوان ئەحمەد سوپاسی تایبەتیی جێگری سەرۆکی یانەکەیانی کرد کە خەم خۆر و دڵسۆزێکی بێوێنەیە بۆ بەشی کاراتێ‌ و ستافی مەشقی بەشەکە.
هەروەک سوپاسی بەختیار ئەحمەدی کرد کە لە وادەی تاقیکردنەوەکانیدا هاوکاری تەواوی کردووە بۆ سەرکەوتنی.
جێگەی باسە ، شاخەوان ئەحمەد لەپاڵەوانێتییە نێودەوڵەتی و عەرەبی و نێو خۆیەکاندا توانیویەتی چەندین ئەنجام بەدەست بهێنێت و هەروەک لە دوا پۆستی متمانەی ڕاهێنەری هەڵبژاردەی ئێراقی پێ بەخشراوە.[1]