کۊنیشتو بریفکانی پەی چېشی لواڕاوە؟
وەهارو ساڵەو (1907 ز) بە بەشداری شېخ عەبدولسەلامو دوەمو بارزانی، یانەو (شېخ نورەدین محەمەد بریفکانی) ڕابەرو تەکیەو قادری جە بریفکان کۊنیشتێ لوا ڕاوە. چا کۊنیشتەنە جەمێ فرۍ جە سەرخېڵ و عەشرەتەکا ئاماڎۍ بېنۍ. ئەچاکە باسشان جە مافەکانو گەلو کوردی کەردەن، دماجار چن داواکاریێشان نویستۍ بە وایەو کیاستەیشان پەی وەردەمو سوڵتانو عوسمانی، ئا داواکاریېچە ئینۍ بېنۍ:
یەکەم: ناوچە کوردییەکەنە زوانو نویستەی و ۋانای زوانی کوردی بۊن.
دوەم: مەشۊم مدیر ناحیەو قائیمقام و کاربەدەسۍ ناوچە کوردییەکا زوانی کوردی بزانان.
یەرەم: مادام ئایینو دۆڵەتی ئیسلامەن، مەشۊم یاساو بڕیارەکۍ بە پاو شەریعەتو ئیسلامی بان.
چوارەم: ئا باج و خەراجە کە دریۊ بە دۆڵەتی پەی بنیاڎنیای ۋانگا و ڕاوبان و یاگە خزمەتییەکا بەکارباران.
چا کۊنیشتەنە ئاماڎەبیەکۍ سۆگەندشان وارد کە واز جە داواکاشا ناران و تاکو ئۆپەڕو تەوانایشان هەرمانەشان پەی بکەران، هەر چاگە شېخ عەبدولسەلام بارزانی جیاتی گردی واژۆش کەردو قەرار دریا بە برووسکە داواکارییەکا بیاونۊ سوڵتانو عوسمانی.
ئەسعەد ڕەشید.[1]