شېخ عەبدولسەلام بارزانی و هامڕێکېش قەنارە دریێ
دمای گېڵایۆشا جە تەبلیس، شېخ عەبدولسەلام بارزانی و هامڕێکېش بە پیلانێ نەگریسە دەسگیرۍ کریێ و تەسلیمو عوسمانیەکا کریێ. عوسمانییەکۍ سەرەتا شېخ عەبدولسەلامشا بەرد پەی (وان) ی و چاگەیچۆ پەی مووسڵی، چا وەختەنە جەنگی جەهانی یەکەم چن ڕوێ بۍ دەسش پەنەکەردەبۍ، ڕۊ چواردەو کانونی یەکەمو ساڵەو (1914 ز) شېخ عەبدولسەلام چەنی یەرۍ جە هامڕایەکاش دریێ قەنارە. هۊکارو قەنارە دایشان ئا ویرلۍ بۍ کە لاو شېخ عەبدولسەلامیۆ جەمە بیېبۍ پەی مەرزنارەی دۆڵەتێ فیدراڵی پەی کورد و ئاشووری و ئەرمەنییەکا بە پاڵپەشی حکومەتو ڕووسیای. دمای شەهید کەردەی شېخ عەبدولسلامی، شېخ ئەحمەڎی براش، کە ئاوەختە تەمەنش هەژدە ساڵۍ بۍ، سەرداری بەرزانییەکاش گېرت گەردەن. چا وەختەنە چەنی هۊرگیسیای ئایېرو جەنگی جەهانی یەکەمی سوپاو بەریتانی خاکو ئێراقیش داگیر کەردەبۍ.
ئەسعەد ڕەشید.[1]
این مقاله بە زبان (هەورامی - Kurdish Hawrami) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
این مقاله 248 بار مشاهده شده است
نظر خود را در مورد این مقاله بنویسید!