کورد دلۍ چەرخەکا تاریخینە
بەشۍ: نەوەڎهەمە
نویستەی: #هاوڕێ باخەوان#
ساڵەو (1577ز): ئەچی ساڵېنە میر بەهروز ڕۊسەمی میرو دونبولی کۊچی دمایینش کەردەن. هەر ئەچی ساڵېنە عوسمانییەکۍ عەلی بەگ شازی قڕانشان جە میرایی ۋستەن و ئەولیا بەگشان یاگېشەنە نیانەرە. هەر ئەچی ساڵېنە مەئمون بەگ بېگە بەگ کوڕو مونزیر بەگو بابلوو بەگی ئەردەڵانی یاڎاشتەکۍ و ۋیرەوەرییەکۍ وېش نویستېنێ.
ساڵەو (1578ز): ئەچی ساڵېنە چڼیین قۊمیێ ڕوەشان دێنە: پی تەرزە:
موحەمەد بەگ دومان بەگ بېیەن بە میرو دەرزینی.
دومان بەگ میرو دەرزینی کوشېیان.
کۊچی دمایینو جانپۆڵادی میرو کلیسی.
موحەمەد بەگ ساروخان بەگ کریان بە میرو (ساسۆن) ی.
کۊچی دمایینو حەسەن بەگ کوڕو جەمشیڎ بەگی سەردارو (پاڵەو) ی.
کوشېیای ساروخان بەگ میرو (ساسۆن) ی.[1]