زوانی ئەڎایی گۆهەرەن
نویستەی: #ئەیوب ڕۆستەم#
زوانی ئەڎایی گەوهەرو ئەوەمەنەی گرد پێکئامە ئیتنی و کۊمەڵایەتییەکان سەرانسەرو ئی دنیایەنە.
زوانی ئەڎایی ئا زوانەنە کە بنچینەی کولتووری گرد کۊمەڵێ بە جیاوێزی: (ڕەگەز، ڕەنگ، یاگێ ژیوای، و هٶرکٶتەی جوگرافی، باری ڕٶشنویری و کٶمەڵایەتی و حوکمڕانی و دەسەڵاتداری ) درٶسکەرٶ، ئېمەی هٶرامی زوانی ئەڎاییما دێرین و ڕەسەن و فرە دٶڵەمەندا، میراسگیرو زوانە ئارییەکان بە تایبەت زوانی (پاڵەوی بەهەر دوە جٶرەکاشٶ کە ماچیوشا پنە سۆران پاڵەو و کارین پاڵەو ، هەر پاسە زوانی ئاوێستایی و تەنانەت ڕەگێ سانسکریتییچش چنەنێ)، زوانو ئېمە گرامەرێوی دٶڵەمەند و دەستووری دنیاییش چنەنێ، جە کٶ (13) دەسورا پێ بېیەی زوانی دونیایی (11) دەسورێشا زوانی هٶرامیەنە هەنێ، خٶ ئەر کنەی زانستی کریٶ، چانیشانە دوە دەسورەکەی تەریچ بانێ، بە سەدان چەمکێ زوانیی کە بنەڕەتشا هٶرامیا دلی زوانو نەتەوەکا تەریەنە یان پېسە وېشا، یان بە کەمێ دەسکاریٶ وەرەچەم گنا، سامانی ئەدەبی و مەعرێفی ئی زوانیە پێ سەردەمېوی فرە دێرێنی گېڵٶوە، کە مایێوی گٶرەن پێ بېیەی نەتەوەیی.
داخێ گرانەم ئەنەیاوای ژیرانە و پێ ئی زوانییە نېیا و هیچ بایەخێ زانستی نەدریان پنەش کە ئینێچ پێ ئا حەزە ناڕەوایە گېڵٶوە ڕوەو خەفەکەردەیش بەرٶ. ئا کەسی کە گەرەکشانە هٶرامی گنٶ پەشتٶ کەنٶڵا فرە خېیاڵشا خاوا، چوون ئێنە سامانی کولتووری گٶرەش هەن هەمیشە بە زیندەیی و جاویدانی مەنٶوە.
ڕٶ زوانی ئەدایی جە گرد خەموەرێ زوانەکېش پیرٶز، هەر مەندێ بە وەشی.[1]