کورد دلۍ چەرخەکا تاریخینە
بەشۍ: سەڎ و ۋیس و یەکەمە
نویستەی: #هاوڕێ باخەوان#

ساڵەو (1791ز): ئا تۊمارۍ کە تاریخو ئی ساڵۍ نیشانەمڎان، ئینېنۍ:
*قوباد بەگ، مامۊزاو ئیسماعیل بەگو میرو بادینانی، ڕاسبېیەنۆو نامۍ میریش نیێنە وېشۆ، بەڵام وەردەمو هېزەکەو ئیسماعیل بەگینە وېش پەنە نەگېریان و پاڵشدان میرو بابانیۆو داواو یاردیش جە ئۆڕەحمان پاڎشاو بابانی کەردەن.
*تورکەکۍ بە یاردی کوردەکانو ناوچەو موسڵی، هېرششان کەردەن سەرو هۊزو (میللی).
* شېخ حوسێنی قازی، ئەچی ساڵېنە جە شارو سلېمانی ئامان دنیا.
ساڵەو (1792ز): ئەچی ساڵېنە ئۆغوز بەگ میرو سۆرانی کۊچی دمایینش کەردەن. هەر ئەچی ساڵېنە موحەمەد ئەحمەد ئەشناسیا بە (موفتی زەهاوی) شاعېر ئامان دنیا.
ساڵەو (1793ز): ئەچی ساڵېنە چن تۊمارێ دلۍ تاریخو کوردینە پارېزیێنۍ:
* ئەحمەد بەگی کۆماسی شاعېر ئامان دنیاوە.
* هېرشو میرنشینو بابانی پەی سەرو میرنشینو ئەردەڵانی.
* سڵېمان پاڎشاو بابانی، دمای ئانەی کە سەلیم پاڎشای مامۊش دلۍ قزڵجەینە ماڕاش، میرنشینو ئەردەڵانیچش داگیرکەرد.
* حاجی کاک ئەحمەدی شېخ، ئەچی ساڵېنە ئامان دنیاوە دلۍ شارو سلېمانینە، پیېوە ئایینی و نامڎارەن.
* نویستەی ڕۊمانە هۊربەسی (سڕمەحشەر)، بە قەڵەمو فەقێ ڕەشید هەکاری.[1]