کورد دلۍ چەرخەکا تاریخینە
بەشۍ: سەڎ و پەنجا و دوەمە
نویستەی: #هاوڕێ باخەوان#
ساڵەو (1833ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە تورکەکۍ هېزێشان بە سەرداری والی سیواسی (ڕەشیڎ پاڎشا)ی پېکئاوەرد، تاکو هېرش بکەران سەرو میرو سۆرانی.
* ئەچی ساڵېنە میرنشینو سۆرانی سنوورەکەش فراوان بییەن.
* والی عەلی ڕەزا پاڎشا، دڎانېش نیێ پانەیرە هەکە پاڎشا کۆرە میرو میرانیا.
* هېزەکۍ پاڎشا کۆرەی شارو ئامێدیشان داگیر کەردەن.
* ڕۊ (19) مانگەو پەنجو ئی ساڵېنە، دکتۆرێ ئینگلیزی بە نامۍ (ڕووس)ی، ئامان پەی میرنشینو سۆرانی، بە مەبەسو چارەکەردەی مسەفا بەگی تاتەو پاڎشا کۆرەی، دمایی ڕاپۆرتێش سەرو میرنشینەکەی نویستېنە.
* مانگەو (6) ئی ساڵېنە پاڎشاو کۆرەی هېرشش کەردەن پەی سەرو میرنشینو بادینانی و شارو ئامێدیش گېرتەن، سەیڎ بەگ جە فەرمانڕەوایی ۋزیاو موسا بەگی براش کریا بە فەرمانڕەوا، کە لاگیرو پاڎشا کۆرەی بییەن.
* تاریخو (03-06-1833) پاڎشاو کۆرەی دلۍ شارو (ئاکرێ)نە چەمش کۆتەن بە دکتۆر (ڕووس)ی، کە دکتۆرێ ئینگلیزی بیەن.[1]