خاک مەیل بڕا
خاک، ئەچی ئیدیۆمېنە بە ماناو قەبرۍ مەی، ئا خاکە هەکە مەردەش دلېنە شاراوە. ئینسان وەختێ مەمرۊ، منیاشەنە دڵۍ چاڵۍ و بە خاک پۊژناشەرە. ئیتر هەرچی ئاشکەرا و پەنهانین چەنی وېش مەبەرۊش. ئی ئیدیۆمۍ دۋۍ مانێ مەبەخشۊن، مانای یەکەمە بە کەسێ ئاشقی مەواچان هەکە گیرۊڎەو ئەشقو کەسێ تەری بېیەن، دەروونش کەیلەن جە ئایېرو وەشەویسی، هیچ چېوێ داڎش نمەڎۊن، مەر بە مەردەی، تەنیا وەختێ ملۊ چېرو خاکی ئیتر مەیلش بڕیۊ.
مانای دوەمە بە کەسێ ماچان هەکە وەسەویسێش
جە دەس مڎۊو فرە خەفەت مەوەرۊن شۊنیشەرە، کەسە نزیکەکېش پەنەش ماچان خەفەت نمەوەرە، ماوێتەر مەیلت کاڵ بۊوە، چونکوم خاک مەیل بڕا.
یام میانو وېشانە ماچان: کورە ماوێتەر قەبرە ئاڎشا ویربەرۊوە.
.[1]