ناڤ: ئەسما
ناڤێ بابی: یوسف ئەمین
جهێ ژدایکبوونێ: کەلار
ژیاننامە
دووهەمین بهێزترین خانما ئیراقی و ئێکەمینە لسەر ئاستێ کوردستانێ، ئافرتەکا باژێڕی گەرمیانێیە.
ئەسما یوسف ئەمین، ژبلی کوو کارمەندە ل وەزارەتا ناڤخوو، لێ ماوێ 13 ساڵانە یاریا لەش جوانیێ ئەنجام ددەت، ب شارەزایی ل وێ یاریێ بوویە راهێنەرەکە بەرنیاس ل کەلار. ژیێ وێ 30 ساڵە و نیشتەجێیا باژێڕوکێ کەلارێیە کوو دبیتە ناڤەندا ئیدارەیا گەرمیان ل باشورێ کوردستانێ. خوەندنا ئامادەیی تمام کرییە و ماوێ 11ساڵانە ل وەزارەتا ناڤخوو یا هەرێما کوردستانێ کارمەندا پولێسە. دووهەم بهێزترین خانمە ل سەر ئاستێ ئیراقێ و ئێکەم کوردستانێ یە، حەزەکە زوور ب یارییا لەشجوانی یێ هەیە و ژبو ماوێ 13 ساڵانە لسەر ڤێ یاریێ یا بەردەوامە .
شارەزاییەکە ئێکجار زوور دڤێ یاریێ دە هەیە و ب تەنێ دماوێ 5 ساڵاندە بویە راهێنەر. ئەڤ ڕاهێنەرە ل 11-03-2022 دا، بوویە پاڵەوانا ب هێزترین ئافرەتا ئیراقی کو ل باژێڕوکێ هەڵەبجە مەڕاسیمێن وێ بریڤە دچوون، د کێشا خوەدە کاری پلەیا دووهەم لسەر ئاستێ پارێزگەهێن ئیراقێ بدەست خوەڤە بهینیت و باوەڕناما ڕاهێنەری یا ب هێزترین ئافرەت بدەست خۆەڤە بهینیتن. ئەسما یوسف دەبێژیت ل سنورێ گەرمیان ئێکەم ڕاهینەرا ئافرەتە بو سپوڕا لەشجوانی یێ، چەندین یاریزانێت ئافرەتێن دن هەنە کوو دهێن دەڤ ژبو مەشق و ڕاهێنانان. ئەڤ یاریزانە، بەحسا ڤێ ئافرەتا گەنج یا یاریزانا یارییا لەشجوانی یێ کر، نها ڕوژ بوو ڕوژێ ژمارەیا وان کەسێن کوو دبەرهەڤن ل یانەیێ یا بەرەڤ زێدەبوونێ دچیت. ناڤهاتی دبێژیت: دوو جوورێن ئافرەتێن گەنج یێن هەین کوو ژبوو ڕاهێنانا دهێنە دەڤ من، هندەک ژبوو لاوازکرنا لەشی هەنەکێن دنژی ژبوو جوانێا لەشێ خوە و بهێز کرنا ماسولکەیێن خوە قەسدا ڤێ یاریێ دکەن.
ئیماژە ب وێ چەندێ ژی کر کوو د هەێڤا ڕەمەزانێدە پڕۆگڕاما خارنێ و یارییان دهێنە گوهرین لچاڤ هەیڤێن دن یێن ساڵێ. ئەسما دەبێژیت زور جاران نوژدار، نەساخان دهنێریتە دەف من، هەیا کوو ب سپوڕەکە زانستییانە چارەسەریا وانا بهێتە کرن. [1]