کورد دلۍ چەرخەکا تاریخینە
بەشۍ: سەڎ و هەشتاهەمە
نویستەی: #هاوڕێ باخەوان#
ساڵەو (1863ز):چن تۊمارێ پېوەس پی ساڵېوە ئینێ وەردەسەنە:
* ستریکەر، ئەچی ساڵېنە گەشتێش پەی کوردەسانی کەردەن.
* سەید ئەحمەدی نەقیبی شاعېر، ئەچی ساڵېنە ئامان دنیا.
* جەمیل سدقی زەهاوی، ئەچی ساڵېنە ئامان دنیا، نامبریا شاعېرێ کوردی عەرەب زوان بییەن.
* هونەرکاری موزیکژەن سەی براکە دلۍ ناوچەو گۆرانی، ئەچی ساڵېنە کۊچی دمایینش کەردەن.
* فردریک میولەری نەمسایی، جە ڤیەڼا فەرهەنگێ کوردی و سریانیش وەڵاکەردەنۆ.
* شێفڵ ئەڵمانی، کە زانێوە ئێتنۆلۆگ بییەن، باسێش سەرو کوردەسانی جە بارەو ئێتنۆگرافییۆ ئەچی ساڵېنە وەڵاکەردەنۆ.
* ئەچی ساڵېنە خېڵو ملانی بە سەرداری ئیبراهیم پاڎشا، هېرششان کەردەن پەی سەرو خېڵو شەممەری عەرەبی و سەرکۆتېنۍ ملشارەو وېشان جە سەرانەدای پەنەشان ڕزگار کەردەن.[1]