بارش لارا
جاران، وەڵۍ ئانەی ماشین و هۊکارەکۍ ئاما و لوای پېڎێ بان، خەڵکی دلۍ دەگا و شارەکڵەکانە بە وڵاخ هەرمان و کارشا پۊڕنېنی، گەر بارێشا بیێ پېسە بارە وەزا، یام هەڵووچا، یام بارو تفا، یام هەر پەنەۋازیێ ژیوایشان بە وڵاخ، پېسە (هەری، هەسەرۍ) بارشکەرېنۍ و بەرېنېشۆ، ئیتر دەگاوە پەی باخی، یام بە پېچەوانۆ. ئەشیێ هەر دوە تاو بارەکەی پېسە یۊی بیێنۍ، جە وەزنەنە هامتێ بیێنۍ، تای ڕاس و تای چەپ، خۊ گەر هامتێ نەبیێنۍ، ئانە بارەکە لاسەنگ گنۍ و گنېرە، ئەشیێ بە زەحمەتێ فرەو بە یاردی خەڵکی تەری بارش کەردێوە، یام گەر بارەکە لاسەنگ بیێ ئەشیێ باربەرەکە تاکو یاوێ مەنزڵ هەر دەسش پۆ بارەکەیۆ بیێ تاکو نەکۆتێ. ئینە پېسە ئیدیۆمێ بەکارئامان پەی ئا کەسەیە هەکە ناڕەحەتیێ و شکەستێ مەی ملشەرە، توشو دژمەنداریێ مەبۊن، یام توشوو زەرەرێ فرەی مەبۊن و هۊرستەیۆش زەحمەتەن، خەڵکی پەنەش ماچان بارش لارەن.[1]
این مقاله بە زبان (هەورامی) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
این مقاله 76 بار مشاهده شده است
نظر خود را در مورد این مقاله بنویسید!