کورد دلۍ چەرخەکا تاریخینە
بەشۍ: دوەسەڎ و سیهەمە
نویستەی: #هاوڕێ باخەوان#
ساڵەو (1907ز): چن تۊمارێ پېوەس پی ساڵېوە ئینێ وەردەسەنە:
* دمای ئی ساڵېوە، فرەو سەردارەکانو موکری جە وەرکۆت، پەشتەو تورکیشا گېرتە.
* فۆلاند نامێ ئەڵمانی، ئەچی ساڵېنە وتارێش سەرو ئەفسانەی کوردی و ئەرمەنی وەڵاکەردەنۆ.
* ئەچی ساڵېنە، دژمەنی میانو تورکیا و ئێرانی تەشەنەش کەردەن.
* پایېزو ئی ساڵېنە، شېخ بایز ئاغا و باپیر ئاغا، جۊتە سەرخېڵۍ خېڵەکانو مانگانی جە وەرکۆتۆ ئامێ پەی لاو تورکەکا، ئا دوە سەرخېڵە بانگەوازو ئانەیشان کەرد هەکە گردو ناوچەکانو موکریانی چەنی تورکەکا یۊمەگېران پېسە دۋۍ هامپەیمانا.
* ئەچی ساڵېنە، جافر ئاغاو شکاکی بە دەسو داگیرکەری ئێرانی شەهیڎکریان، دمای ئېڎیی ئیسماعیل خانو سمکۆی برایش بییەن سەردارو خېڵو شکاکی.
* ئەچی ساڵېنە، هەژدە پەلۍ تازۍ سوارۍ حەمیدیۍ درووسۍ کریێ، تاکو پەلامارەو ئێرانی بڎان.
* کۊتاو ئی ساڵېنە، کۊمیتەو تورکە لاوەکا جە پاریس کۊنگرێوەشان بەست کە کوردەکېچ بەشداریشان چەنەکەرد، چا کۊنگرەنە تورکەکۍ قۆلو بەخشای مافو خودموختاری کەمە نەتەوەییەکا وەلاتو عوسمانیشادا.
* ئەچی ساڵېنە، ڕۊنامەی کورد، جە ئەستەمبوڵ بە زوانی کوردی و تورکی بەرشییەن، بە هۆڵۍ شېخ عەبدولقادر عەبدوڵڵا شەمزینی.[1]