داڵانی و هەوارو عەشقی
پیێوە کەئیسە ژیاڼە مەنەن گېڵنۆوە: ساڵێشا جە هەوارو داڵانی لاو حەیوانیوە بێنێ چەنی نۆبەچیێوە دماو ئانەی حەیوانما ئاردۆ پەی پەچەی، ژەنی ئامێ حەیوانشا دۆشت و لوێوە، منیچ دماو ئیسراحەتێ وەشی گەلەم جمناو تەماشەکەرو نۆبەچیەکە نېیا، منیچ نەمردانی دیارو ئاڎیوەو حەیوانەم بەرد پەی ڕوەو ملەگاو کەلجەی و ڕوەو کەلەفێڵایرەو خەیلێش پەنەشی میەو نۆبەچیەکە بەهەناسە بڕکێ ئاماوە، واتم خەیربېیەن چکۆبېیەنی ئانە مانیانی؟ واتش ماڎاو سەرەکۍ(قەڵاخی سەرەکۍ) وەختێ ئاما پەی دلۍ گەلەی واتم چی چەمېت نەڕەشتێنێ؟ واتش نە کلم بۍ، نە کلەڎان و نەجام، پەوچی چەمېم نەڕەشتێنێ، منیچ نەکەردم نامەردی و لوانی دەگاو دەرەومەڕێ و کلو کلەڎان و جامم پەی ئاردە.
عەفان دەرەمەڕی.[1]