بەهار هات شەماڵی کوێستان
فووی کرد بە سازی دارستان
تەپڵی هەور و چەپڵەی باران
سنجی دڵۆپەی میچ و داران
سەمای شەپۆلی ڕووباران
بەستە و نەغمەی بەرخ و کاران
حەنجەرەی قەڵبەزەی ئاوان
ئاکوردی بۆقی شەتاوان
چەقەنەی سێرووی سەر داری
ئاوازی کۆڕی پاساری
مۆسیقایەکی قەدیمە
سانفۆنیایەکی عەزیمە
بۆیە زەویش ڕادەپەڕێ
لاپەڕی ژین وەردەگەڕێ
چنار هەموو سەما دەکەن
گەڵا هەموو هەڵدەپەڕێ
بە مۆسیقای سەوزی بەهار
عەجەب داوەتێک دەگەڕێ[1]
#1994-04-28#
#بەردەڕەشان#
هۆنەر: #ناسر ئاغابرا-ژاکاو#
پەرتووکی: #کەژاوەی دڵ#
این مقاله بە زبان (کوردیی ناوەڕاست - Central Kurdish) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
این مقاله 38 بار مشاهده شده است
نظر خود را در مورد این مقاله بنویسید!