کورد دلۍ چەرخەکا تاریخینە
بەشۍ: دوەسەڎ و حەفتا و پەنجەمە
نویستەی: #هاوڕێ باخەوان#
ساڵەو (1919ز.):
* ئەچی ساڵېنە، بەشێ جە وەرکۆتو کوردەسانی جە لاو ڕووسەکاوە داگیرکریان.
* ئەچی ساڵېنە ، تورکەکۍ سەرنویسەرو ڕۊنامەو (ژین)ی، هەمزە بەگشان قەنارە دان.
* هامنو ئی ساڵۍ، هېزێ گۆرە بە سەرداری ئیسماعیل خانی سمکۆ تۊقەو شارو ورمێشا دان، بە نیازو ڕزگارکەردەیش، بەڵام داگیکاری ئێرانی بە یاردی ڕووسی هېرششان پەی کەردۍ و تاکو چەهریق پاکشېشا پەنەکەردۍ.
* ئەچی ساڵېنە، پێمانێ میانو ئێرانی و بەریتانیای بەسیان، بەپاو ئا پێمانەیە ئێران زېیاتەر بی بە چېردەسەو بەریتانیای.
* دۋۍ تیپی سەربازیۍ ئاسووری کە سەر بە ئینگلیزەکا بېنۍ، ناوچەکانو دهۊک و زاخۆ و ئاکرێ و ئامێدی، دژو کوردەکا جەنگیێ.
* شارو هۆلېری کریا بە ناوچەو لیوێ، وەڵتەر قەزێوە سەر بە ویلایەتو موسڵی بۍ.
* یانەو موحەمەد ئەمین زەکی بەگی ئەچی ساڵېنە سۊتەن، چەنەش (200) لاپەڕۍ جە تاریخو کورد و وکوردستانەکەیش سۊتەن، پۆکەی ناچار بېیەن دماتەر سەرجەنۊ دەس بکەرۊوە بە نویستەیش.
* ئەچی ساڵېنە، ژمارێ فرۍ خانەوادۍ شارو سلېمانی ئاوارۍ وەرکۆتو کوردەسانی بیېنۍ، بە هۊکارو خېزیای شۆڕشەکەو شېخ مەحمووڎی، دلېشانە زێوەری شاعېرشا چەنەبېیەن.
* دلېراسەو ئی ساڵۍ، چڼیین ناوچۍ سەرنیشتو کوردەسانی ئازادۍ کریێنۍ، کە ناوچەو (کۆچگیر)یشان کەردەن بە پایتەختش.[1]