کورد دلۍ چەرخەکا تاریخینە
بەشۍ: دوەسەڎ و حەفتا و حۆتەمە
نویستەی: #هاوڕێ باخەوان#
ساڵەو (1919ز.):
* مانگەو (03) ئی ساڵۍ، مێجەرسۆن کریا بە فەرمانداری ڕامیاری شارو سلېمانی.
* سەرەتاو مانگەو (03) ئی ساڵېنە، موخلیسی شاعېر جە تەمەنو (70) ساڵینە کۊچی دمایینش کەرڎەن، نامۍ تەمامەش شېخ مسەفا شېخ عەبدولسەمەدی قازین.
* تاریخو (#01-03-1919#ز.)، شەریف پاشاو خەندانی یاڎئاردەیێوە و دۋۍ نەخشۍ کوردەسانیش پېشکەشو کۊنگرەو ئاشتی کەردۍ جە پاریس.
* تاریخو (#22-03-1919#ز.) شەریف پاڎشاو خەندانی یاڎئاردەیێوەش دەربارەو مافو وېچارەیی کورڎیش پېشکەشو کۊنگرەو ئاشتی کەرد جە پاریس.
* تاریخو (#18-04-1919#ز.) بیرینگەر، کیانیاو فەڕەنسای و واڵتەر لۆنگی کیانیاو بەریتانیای، ڕېککۆتێشان ئیمزا کەرد، بەپاو ئانەیە نەوتەو کوردەسانیشان میانو وېشارە بەشەکەرڎە، بەپاو ڕېککۆتەنامەکەی چارەکو بەشەکۍ ئەڵمانیای کە بەریتانیا دەسش گېرتەبۍ سەرشەرە، دریا بە فەڕەنسای.
* تاریخو (#24-04-1919#ز.)کاپتن پێرسنی ئینگلیز بە دەسو شۆڕشگېڕەکا خېڵو گۆیانی پانیشتو کوردەسانی کوشییان.
* مانگەو (05) ئی ساڵېنە، کۊمەڵێ سەردارۍ کورڎی جە سەرنیشت گلېرۍ بیێ، تاکو دژو داگیرکەری تورکی شۆڕش خېزنان، بەڵام کۆڵۆنێل بێڵ سەرۆکو دەزگاو هەواڵدەری فەڕەنسی جە حەلەب ڕاگیریش جە شۆڕشەکەی کەرد بە بەهانۍ ئانەی گرفتو کورڎی دلۍ پێمانو سیڤەرینە چارە کریۊن.
* مانگەو (05)ئی ساڵېنە، ئیسماعیل خانو سمکۆی بە مەبەسو چارەکەرڎەو گرفتو کورڎی، نیازش بۍ جە ئینگلیزەکا نزیک بگنۊوە، سەی تەهاش کیاست پەی بەغڎای، بەڵام نائومېڎ گېڵاوە.
* مانگەو (05) ئی ساڵېنە، مسەفا کەمال بە فەرمانو بابی عالی کریا بە وشکنەری گرڎی ئوردووی یەرەمو عوسمانی جە وەرکۆتو ئەنادۆڵی.[1]