کورد دلۍ چەرخەکا تاریخینە
بەشۍ: دوەسەڎ و هەشتاهەمە
نویستەی: #هاوڕێ باخەوان#
ساڵەو (1919ز.):
* تاریخو (#22-06-1919#ز.) ویڵسن، فەرماندارو گرڎینو بەریتانیای جە بەغڎا، بە فارسی نامێوەش پەی سەی تەها شەمزینی نویستە، دلېشەنە گلەیۍ فرۍ جە شېخ مەحمووڎی کەردېبېنۍ.
* مانگەو (07) ئی ساڵېنە، سەید سادق و نەجیب ڕۊسەم بە نامۍ ئاسووری و کلدانیۆ یاڎاوەریێشان دا بە کۊنگرەو ئاشتی پاریسی، دلېشەنە داواو درووسکەرڎەی دۆڵەتێ سەربەۋۍ پەی ئاسووریەکا کریابۍ جە سەرزەمینێ فراوانو ولایەتەکا وەرکۆتی و پانیشتو ئا وەختەو تورکیای، چەنی حەلەبی و دێرلزور و موسڵی، پا شەرتۍ دەرچێوە (بەرشێوە) ئاویش بۊن.
* تاریخو (#15-07-1919#ز.) شارو ئامێدی و خەڵکو بەرواری دژو داگیرکاری ئینگلیزی بە سەرداری شېخ شەعبان ئاغای خېزیێ و شۆڕششان کەرد، ئەچا خېزیانە فەرماندەی ڕامیاری ئینگلیزی ماکدۆناڵد و وەرپەرسو پۊلیسی کوشیێ.
* تاریخو (#23-07-1919#ز.) کۊنگرەو ئەرزەڕومو تورکەکا بەسیا بە سەرداری مسەفا کەمالی، فرەو سەردارە کوردەکۍ سەرنیشتی دلېشەنە بەشدارۍ بېنۍ و نەخشەو شۆڕشو تورکیایشان کېشت.[1]