کورد دلۍ چەرخەکا تاریخینە
بەشۍ: دوەسەڎ و هەشتا و یەکەمە
نویستەی: #هاوڕێ باخەوان#
ساڵەو (1919ز.):
* سەرەتاو مانگەو (08)ئی ساڵېنە، ئینگلیزەکۍ هېرششان کەرد پەی سەرو ناوچەو بامەڕنی و شېخە نەقشبەڼییەکۍ ئا ناوچێشا دەسگیرکەردۍ.
* تاریخو (#06-08-1919#ز.) ئینگلیزەکۍ شارو ئامێدیشا داگیرکەرد.
* تاریخو (#08-08-1919#ز.) شۆڕشگېڕە کوردەکۍ دلۍ دەربەنو (مزورگە)ی بە سەرداری حاجی ڕەشید بەگی هېرشو ئینگلیزەکاشا تڼ ماڕا. دیسان دلېڕاسەو ئی مانگېنە دۆسکیەکۍ بە سەرداری تایەر ئاغای و بە یاردی ساڎق برۆ و سڵێمان قەتێ سەردارو خېڵەکانو گەلی و سندی، پەلامارەو هېزەکانو ئینگلیزیشان دا دلۍ دەربەڼو (سوارە توکە)ی و زەرەرێ فرەشان وەنەدێ.
* تاریخو (#09-08-1919#ز.) ئێران و ئینگلیزەکۍ ڕېککۆتەنامێشا بە نامۍ (ئەنگلۆ – ئێرانی) مۊرە کەرد.
* مانگەو (09) ئی ساڵېنە، نویسەر و ویریار مەسعود محەمەد دلۍ شارو کۆیەی ئامان دنیا.
* تاریخو (#04-09-1919#ز.) تاکو (#11-09-1919#ز.) کۊنگرەو سیواسی تورکە کەمالیەکا بەسیان، ڕۊژگارو کۊنگرەکەینە مێجەر نۆیل و کامەران و جەلادەت بەردخان و ئەکرەم جەمیل پاشا دلۍ گەشتەکێشانە یاوێ مەلاتێ، ئا سەردایە گرفتێ فرەش پەی کەمالییەکا درووسکەرد و تەرسەو سەرهۊردای شۆڕشو کوردەکا گېرتېبېنېرە، هەر پەوکەی مستەفا کەمال فەرمانو دەسگیرکەردەیش پەی بەرکەردۍ.
* تاریخو (#21-09-1919#ز.) بە کۊتا ئامای گەشتەکۍ مێجەر نۆیلی پەی سەرنیشتو کوردەسانی.
* تاریخو (#04-10-1919#ز.) پېشمەرگە کوردەکۍ جە ناوچەو ئاکرێ هېرششان کەرد سەرو هېزێ ئینگلیزەکاو (کۆڵۆنێل بیڵ و کاپتن سکۆت)شان نزیک بە دەگاو (پیرە کەپرۍ) کوشتۍ.
* تاریخو (#22-10-1919#ز.) یەرۍ نامۍ جە لاو شەریف پاشا و سەی عەبدولقادر ئەفەڼی کیانیێ پەی کۊنگرەو ئاشتی جە پاریس، دلېشەنە داواو ئانەیشان کەردەبۍ کە کوردەسان دابەش نەکریۊ و هېزە هامپەیمانەکۍ یاردی تورکی نەڎان.[1]