تیپی تۆپی پێی #یانەی وەرزشی پێشمەرگەی سلێمانی# درێژەی بە سەرکەوتن و ئاستبەرزەکەی لە خولی نایابی یانەکانی ئێراق دا و سەرکەوتنی لە بەرانبەر یانەی مەسافی جنوب بەدەست هێنا.
کاتژمێر 3:00 ی پاش نیوەڕۆی ڕۆژی هەینی #05-04-2024# و لەسەر یاریگەکەی خۆیدا و لە ناوچەی فەرماندەیی، تیپی تۆپی پێی یانەکە میوانداری لە یانەی مەسافی جنوب کرد، لەو یارییەدا و لە سەرەتاوە کوڕانی پێشمەرگە پاڵپشت بە هێرشەکانیان توانیان ئاستێکی بەرز پیشان بدەن و لە خولەکی 26ی ئەو گێمەدا یاریزان، (محەمەد تەقی) گۆڵی یەکەم و پێشکەوتنی بۆ تیمەکەی تۆمار کرد و تا کۆتای گێمی یەکەم ئەنجام بەو شێوەیە و بە گۆڵێک لە بەرژەوەندی پێشمەرگە سەوز پۆشەکان مایەوە.
=KTML_Bold=گێمی دووەم=KTML_End=:
جیاواز لە گێمی یەکەم تیمەکان بە ئاستێکی بەرزتر بینران و هەوڵەکانی یانەی میوان بۆ یەکسان کردنەوەی ئەنجامەکە چڕتر بووەوە و تا لە خولەکی 64 یاریزان، (ئەحمەد محەمەد)، گۆڵی یەکسان کردنەوەی بۆ یانەی مەسافی جنوب تۆمار کرد.
=KTML_Bold=پێشمەرگەکان بێ هیوا نەبوون=KTML_End=:
لەگەڵ تۆمارکردنی گۆڵی یەکسان کردنەوە پلانەکانی کوڕانی پێشمەرگە دووبارە بۆ هێرشەکانیان جیاواز بوو دوایی ئەوەی چەندین تۆپی بەهێزیان ئاڕاستەی ناوچەی سزا و گۆڵی یانەی مەسافی کردوو دواجار و توانیان سەرکەوتووبن لەو پلانەیان و لە خولەکی 85 دا یاریزان، (حسێن نەجم)، تیمەکەی پێشمەرگەی پێشخست بە گۆڵی دووەم و یەکلاکردنەوەی ئەنجامی یارییەکە و بەدەست هێنانی سێ خاڵی گرنگ لە جەولەی چوارەمی قۆناغی دووەمدا.
بەو ئەنجامەشیان، پێشمەرگەی پاڵەوان توانیان خاڵەکانیان بۆ 28 خاڵ زیاد بکەن و لە لوتکەی ڕیزبەندی کۆمەڵەی یەکەمی یانە بەشدارەکان مانەوە.[1]