ئێرۆس یانې چێش؟
نویستەی: #عادل محەمەدپوور#
ئێرۆس/ اِرُس، مادېوی  یۆنانین (Ἔρως) و بە ئینگلیسی بۊ بە (Eros).
ئی واژە هېماو خوڎاڵە و ئێلاهەی یۆنانی – ڕۊمیی حەزنایو عەشقین و یۊوەم هېزێو بېیەن کە ئاخېزگەو کەیهانینە، وەشەویسی، عەشق و هەستێ ئینسانیێ چاڎیەوە خولێقیان. سەرجەم ئێرۆس پێوەڼیش چنی باری هەستیی جنسی و حەزنای ئینسانیەوە هەن، کە گوا دەمارېو ئەڼاماو لەشی وېران کەرۊ و زاڵ بۊ سەرو ڤیر و پەندە ئاکاری - ئەخلاقی و ئاوەزییەکاو ئېنسانیەرە. 
ئێرۆس یۊوەم جار ئیفلاتوونی یۆنانی بە هەرمانە بەردەن بە ۋاتاو شەوق و دڵتەنگیی عاشقانەو ڕوحی پەی گېڵایەو سەرچەمەو بنەڕەتیی وېش.
مانایتەروو ئێرۆسی یانې: بەزنایو هێڵە سوورەکا و تێکەڵ بېیەی چنی باری هەستیی ڕۊحی.
ئوستورەکاو ئی دماییەو یۆنانی-ڕۆمینە، ئێرۆس بېیەن زاڕۆو ئاڤرۆدێت یا ڤنووسی کە دوې باڵێش بېیێنێ و سەرو وەیوە و زەمایوە فڕیان و باڵێش گېرتێنێوە. حاڵەتوو زاڵ بېیەینە، ئێرۆس مەرجێوی سەرەکی بېیەن پەی جمنایو هونەروو سەمای و هورووژنای حەزنایو عەشقی.[1]