هەوارەکەت بۆگە بووە
هەوار، ئەو شوێنەی کە ڕەوەندەکان لە کوێستان و گەرمیان دەواری لێ هەڵدەدەن ئینجا چ هاوینەهەوار بێت یان زستانەوار بێت، لە بەهاراندا کە خێڵ بەرەو ژوورە بۆ ناوچە کوێستانییەکان دەڕۆن بە مەبەستی دابینکردنی گژوگیا و مێرگ بۆ ئاژەڵەکانیان، ئەو وارەی ڕەشماڵی لێ هەڵدەدەن و مەڕوماڵاتەکانیانی لێ دەلەوەڕێنن پێی دەوترێت: هەوار، بۆگە: گژوگیا بۆنی گەنی بوون وەربگرێت و ئاژەڵ بەهۆی ئەو بۆنەوە نەیخوات پێی دەوترێت: بۆگە.
لە ماوەی وەرزی بەهاردا کە گژوگیا و لەوەڕ سەوزە و تەڕە و ئاودارە، ئەگەر مێگەلەمەڕ لەناویدا بمێنێتەوە و بخەون و بمیزن و قشپڵ و سلی خۆیانی تێبکەن، ئەوا لەوەڕەکە (بۆگە) دەبێت و چیتر مەڕ نایخوات چونکە بۆنی تێدا دەگەڕێت، ئەوە بووە بە ئیدیۆم و ئەگەر کەسێک تەواو لە کارێک سوودمەند بوو و دەستکەوتی باشی لێ دەستکەوت و دواتر دەست بکاتە گلەیی و گازاندە و بێزاری دەربڕێن ئەوا بەتەوسەوە پێی دەوترێت: بەڵێ (هەوارەکەت بۆگە بووە).[1]
این مقاله بە زبان (کوردیی ناوەڕاست - Central Kurdish) نوشته شده است، برای باز کردن آیتم به زبان اصلی! بر روی آیکون
![](https://www.kurdipedia.org/images/flags/ku.png)
کلیک کنید.
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
این مقاله 158 بار مشاهده شده است
نظر خود را در مورد این مقاله بنویسید!