کورد دلۍ چەرخەکا تاریخینە
بەشۍ: یەرەسەڎ و یاڼزەهەمە
نویستەی: هاوڕێ باخەوان
ساڵەو (1923ز.):
* مانگەو (05) ئی ساڵۍ، ئینگلیزەکۍ هېرششان کەرد پەی سەرو شېخ مەحمووڎی بەرزنجی و شۆڕشگېڕەکا کورڎی، ناچارېشا کەردۍ پەی ناوچەکانو پېنجوێنۍ و پیرانی پاکشۍ بکەران.
* مانگەو (05) ئی ساڵېنە، دمای کېشیایۆ شېخ مەحمووڎی جە شارو سلېمانی، سەرشالیاراو ئێراقی عبدالحسن سعدون و کاربەدەسێ ئینگلیزی بەنامۍ (کۆڕن والیس)ی و کابرێوە کورد خەڵکو هۆڵېری بە نامۍ (نەشئەت)ی سەردایێ سلېمانیشان کەرد.
* تاریخو (#16-05-1923#ز.) ئینگلیزەکۍ شارو سلېمانیشان داگیرکەردۆ، هېزە کوردەکۍ بە سەرداری شېخ مەحمووڎیچ کېشیێوە پەی ناوچە کەشییەکا.
* تاریخو (#20-05-1923#ز.) ئینگلیزەکۍ ئەشکۆت (مەڕە)و جاسەنەیشا گېرتە، کە بارەگاو شېخ مەحمووڎی بۍ، ئا مەڕۍ مەگنۊ ناوچەو سورداشی.
* تاریخو (#17-06-1923#ز.) بە خېزیای شۆڕشو کورڎی ئینگلیزەکۍ ناچارۍ بیۍ شارو سلېمانی چۊڵ بکەران.
* تاریخو (#11-07-1923#ز.) ئەنجومەنو شالیارگاو عێراقی قەرارێش بەرکەرد کە بەپاو ئا قەرارەیە فەرمانبەری عەرەب جە ناوچە کوردنشینەکانە نمەنیارە، مەر هونەرییەکۍ.
* تاریخو (#11-07-1923#ز.) گېڵایۆ شېخ مەحمووڎی بەرزنجی جە دەگاو پیرانی ناوچەو قەراخی پەی سلېمانی.[1]