کورد دلۍ چەرخەکا تاریخینە
بەشۍ: یەرەسەڎ و ویس و یەکەمە
نویستەی: هاوڕێ باخەوان
ساڵەو (1925ز.)
* مەجدی شاعېر ئەچی ساڵېنە جە شارو تارانی کۊچی دمایینش کەرڎەن.
* داگیرکاری تورک ئەچی ساڵېنە جە شارو دیاربەکری، سەی تەهاش قەنارە دان.
* ئەچی ساڵېنە، غەریقی شاعېر کۊچی دمایینش کەرڎەن، نامېش فەقێ موحەمەد بېیەن و دەگاو (وەلەدانە) شارباژێڕو سلېمانی ئامان دنیاوە، دلۍ سوپاو عوسمانینە ئەفسەر بېیەن.
* ئەچی ساڵېنە، کەریم زەندی نویسەر ئامان دنیا.
* ئەچی ساڵېنە، شېخ عەبدولقادری نەهری کۊچی دمایینش کەرڎەن.
* گۊرانیواچی کورد مام هۆمەر، پەی یەکەم جاری جە تاریخو هونەری کورڎینە جە شارو بەغڎای، قەوانو هەیبەریش بەرکەرد.
* ئەچی ساڵېنە، شاعېر مەلا عەزیزی موفتی سەقزی کۊچی دمایینش کەرڎەن.
* ئەچی ساڵېنە، خالیسی شاعېر کۊچی دمایینش کەرڎەن.
* ئەچی ساڵېنە، کیانیاو کورڎی جە لاو تورکیۆ، شېخ عەبدولقادری شەمزینی بە دەسو کەمالییەکا دریا قەنارە.
* ئەچی ساڵېنە، کامیل فەوزی بەگ جە شارو دیاربەکری قەنارە دریان.
* ئەچی ساڵېنە، مەلا ئەحمەڎی مەڕخوزی کۊچی دمایینش کەرڎەن.
* هونەرمەڼی گۊرانیواچ حسێن عەلی، ئەچی ساڵېنە جە دەگاو (حۆت تەغار) ناوچەو تەقتەقی ئامان دنیا.
* تاریخو (#10-02-1925#ز.) شارو (لیجە)ی بە دەسو شۆڕشگېڕەکا شېخ سەعیدی پیرانی ڕزگار کریان.
* تاریخو (#11-02-1925#ز.) شارو (گەنج)ی ڕزگارکریان.
* تاریخو (#14-02-1925#ز.) شارەکڵەو (دارەین)ی ڕزگارکریان.
* تاریخو (#14-02-1925#ز.) شېخ سەعیدی پیران، (داراهێن)ش کەرد بە پایتەختی کاتیی کوردەسانی.[1]