ناڤ: عوسمان
ناڤێ بابی: عەزیز
ساڵا ژدایکبوونێ: 1944
جهێ ژدایکبوونێ: # سلێمانی#
ڕوژا وەغەرا داویێ: #24-08-2017#
$ژیاننامە$
ماموستا عوسمان عەزیز عەلاف ل ساڵا 1944 و ل تاخێ شێخان یا سەر ب باژێڕێ سلێمانی ژدایکبوویە. دەستپێکا خوەندنا خوە ل قوتابخانەیا گۆیژە یا سەرەتایی بوویە ئەڤ قویناغا خوەندێ هەر ل وێ قوتابخانێ تمام کرییە، قویناغا ئامادەیی ل قوتابخانەیا ئامادەییا سلێمانی یا کوڕان خوەندییە. ل دەستپێکا ساڵێن شێستا تەڤی ماڵباتا خوە ل باژێڕێ بەغدایێ ئاکنجی دبن. ل ساڵا 1962 ل قوتابخانەیا (ئەعدادەیا مەرکەزیا بەغدایێ) خوەندنا خوە تمام دکەت و ساڵا 1969 باوەڕنامەیا بەکالۆریۆسێ ل کولیژا ئاداب پشکا دیرۆکێ بدەست خوەڤە دئینیت. دەستپێکا دامەزراندنێ ل ناڤەندیا سیروان وەکە ماموستایێ دیروکێ دەست بکارێ خوە کرییە و پشتڕە وەکە ئاریکارێ ڕێڤەبەر ل ئامادەییا سلێمانی یا کوڕان بەردەوام دبیت. ل ساڵا 1983 هەیا ساڵا 1993 دبیتە ڕێڤەبەرێ ئامادەیا سلێمانی یا کوڕان، پشتڕە وەکە سەرپەرشتیارێ پسپۆڕی ل بابەتێن دیروکی دەست بکاردبیت و پێش دەمێ خانەنشین کرنێ لسەر داخازییا وی بخوە خانەنشین دبیت، لێ وەکە سەرپەشتیارێ خوەبەخشێ مافێن مرۆڤان دریژی ب کارێ خوە ددەت و مژویلی وەرگێڕانا پەرتووکێن کو د بوارێ دیرۆکێ دەنە دبیت ژبو سەر زمانێ کوردی وەکە:
(بەهای مێژوو، مێژوی نوێی ئێراق، لەسەر قوڕ نووسیان، سەرەتایەک بۆ مێژوی شارستانییە دێرینەکان/ شارستانییەتی دۆڵی نیل و چەند شارستانییەتێکی کۆن فارس-گریک-ڕۆمان، کوورتەیەک لەمێژوی شارستانی نێوان دوو ڕوبار، داود پاشا والی بەغدا، فەرمان ڕەوایی مەملوکەکان لە ئێراق)
هندەک لوان پەرتووکێن کوو وەرگێڕاینە سەر زمانێ کوردی ب هەڤکاریا چەند ماموستایەکان وەرگێڕاینە.
لێ ب مخابنیڤە ژیانێ دەمێ پتر پێڕە نەدا کو خزمەتا گەلێ خوە و کوردستانێ و دیرۆکا وێ بکەتن و ل ڕێکەفتا 24-08-2017 وەغەرا داویێ کر. ماموستا عوسمان عەزیز تەڤی قومریە کەریم بەگا مەحمود بەگ ژیانا هەڤژینی پێک ئانی و خوەدیێ چاار کوڕانە، ب ناڤێن (ڕەنج، گەنج، ڕێباز، ئاراز) [1]