یانەیا وەرزشی یا هەڤلێرێ، ئێکە ل یانەیێن بەرنیاس یێن ئیراق و کوردستانێ، دەکەڤیتە هەڤلێرا پایتەختێ ھەرێما کوردستانێ، یانەیا هەڤلێر ل ساڵا 1968 دامەرزایە کو تیدا ھەرئێک ل یاریێن تەپا پێ و تەپا دەست و تەپا بالە و بڵند کرنا قوورسایی و گوڕەپان و مەیدان ژبو کوران و کچان و پایسکیلسواری و بادمنتون (ڕیشە) و یارییا شترەنجێ دهێت ئەنجام دان، یانەیا هەڤلێر یاریگەهەکە نێڤدەوڵەتی ھەیە ب ناڤێ شەھیدێ وەرزشوانێن کوردستانێ #فرانسۆ هەریری# و ل ھەمان دەمدا ھۆڵەکە وەرزشی ژی ھەیە کو ب ھەمان ناڤە و نەخۆشخانەیەکە وەرزشی ژی کو تایبەتە ب چارەسەرکرنا وەرزشوانان، ھەیە.
حکوومەتا ھەرێما کوردستانێ و پارێزگەها هەڤلێر ل ڕووی دارایی و دابین کرنا ھەمی پێداویستیان پشتگیرییەکە تمام یا ئەڤێ یانەیێ دکەت. هەڤلێر یانەیەکە جەماوەرییە، ھاندەرێن زۆر ھەنە ل کوردستانێ. پشتی چەندین یارییا و بدەست نەھێنانا ئەنجامێن باش یانەیا هەڤلێر و سڤکاتی پێکرنا زور ژ لایێ ھاندەرێن یانەیا خوارو یا ئیراقێ ل #16-12-2016# یانەیا هەڤلێرێ ڤەکشانا خوە ل خولا ئیراقی ڕاگهاند. پشتڕە ل #20-08-2018#، پشتی سەرکەتنێ یانەیا دیفاع مەدەنی ب ئەنجامێ (4-0) ب فەرمی سەرکەت ژبو خولا نایابا ئیراقێ بو وەرزا 2018-2019.
$دەستکەفتێن تەپا پێ$
ل یاریا تەپا پێ یانەیا وەرزشی یا هەڤلێر چەندین دەستکەفت بدەستڤە ئیناینە :
چار جاران خولا نایابا ئیراقێ.
سێ جار خولا نایابا کوردستان.
دوو جاران بدەست ئینانا پلەیا دووهەم ل جامێ یەکێتیا ئاسیا 2012-2014.
دوو جاران پلەیا ئێکەم ل خولا پلە یەکا ئیراقێ.
یانەیا هەڤلێر بوویە ئێکەم یانە ل ھەرێما کوردستانێ و ئیراقێ کو یاریزانێن پیشەگەر بھینتتە ڕیزا خوە کو ھەرئێک ژ (ئیسماعیل و بۆکینای سینیگالی) و (سامۆرایی کینی) و (بۆرخا و خۆرخێی ئیسپانی) بووینە
یانەیا هەڤلێر چار جار بووەتە پاڵەوانا خولا نایابا ئیراقێ (کو سێ جاران لسەر ئێک بوویە) ، و ھەروەسا یانەیا هەڤلێر چەندین جاران پشکداریا پاڵەوانییەتیا جامێ ئێکەتیا ئاسیایی دا کرییە کو دووجاران پلەیا دووهەم بدەست ئینایە کو ل ساڵێن 2012، 2014 بوویە، یانەیا هەڤلێر ل خولا نایابا کوردستانێ ژی پشکدارە کو سێ جاران بوویە پاڵەوان…
$گۆڕەپان و مەیدان$
یاریا گۆڕەپان و مەیدان یاریزانێن پاڵەوان یێن ڤێ یانەیێ بوونە ئستێرێن سەرەکە یێن ھەڵبژاردییا ئیراقێ ل گۆڕەپان و مەیدان ب تایبەتیی ل پاڵەوانییەتیا یانەیێن عەرەبی کو ل ئوردن بەڕێڤەچوو و ھەروەسا ل پاڵەوانییەتیا عەرەبی کو ھەڵبژاردییا ئیراقێ پشکداریی تێیدا کربوو، کەچا ژێهاتی یا یانەیا هەڤلێرێ (گوڵستان مەحموود) کاری دوو مەدالیایێن زێڕ بدەست بینیت، ھەروەسا ل پاڵەوانییەتیا ئاسیا ل ھۆڵا قەپات کو ل ڤێتنام هات ئەنجام دان، گوڵستان مەحموود کاری مەدالیایێ زیو بدەست بینیت و ل ھەمان دەمدا پشتی 25 ساڵان کاری ڕیکۆردا ئیراقێ بشکینیت،
$بڵند کرنا قوورساهیێ$
یانەیا هەڤلێر ل پاڵەوانییەتیا یانەیێن عەرەبی کو ل ساڵا 2006ێ ل ئوردنێ هات ئەنجام دان، دەمێ کوو کارین پلەیا سێهەم لڤێ پاڵەوانیەتیێ بدەست بینن و ھەروەسا ئستێرا یانەیا هەڤلێرێ ل بڵند کرنا قوورساهیێ (سوارە محەمەد پیربال) بەربژێر بوو ژبوو پشکداری کرنێ ل پاڵەوانییەتیا ئۆڵۆمپیاد یا پەکینێ.
$شەتڕەنج$
ل یارییا شترەنجێ کو پێشتر یارییەکا سەرەکی بوو ل یانەیا هەڤلێر، تێدا نونەرایەتیا ئیراقێ دکر ل چەندین پاڵەوانییەتییێن عەرەبی و ئاسیایی، ساڵا 2001 نونەرێ ئیراقێ بوو ل پاڵەوانییەتیا عەرەبی بو یانەیان کو تێدا کاری پلەیا دووهەم بدەست بهینیت ب جوداهیا ئێک خاڵێ دگەل خوەدی پلەیا ئێکەم یا ئەڤێ پاڵەوانییەتیێ، ل ھەردوو یاریێن تەپا بالە و تەپا دەست کارین بو چەندین جاران خولا ئیراقێ بدەست بینن، ل ھەمان دەمدا پشکداریا پاڵەوانییەتی یێن عەرەبی و ئاسیایی کرییە.
$پایسکیلسواری$
ل یاریی پایسکیلسواری یانەی هەڤلێر چەندین نازناڤ بدەست ئیناینە و چەندین ساڵان پاڵەوانێ ئیراقێ و کوردستانێ بوویە و ھەروەسا پشکدارییا پاڵەوانییەتیا یانەیێن عەرەبی کرییە.
$دەستەی کاڕگێڕیا یانەیا هەڤلێرێ ل ساڵا 2023ێ$
دکتۆر وەلید عارەب، سەروکێ یانێ
سەڵاحەدین سیامەند، جێگرێ سەروکێ یانەیێ
تەھا قادر، سکرتێری یانە
ئاڵا دێدەوان، ئەمینداری دارایی
#سەفین کانەبی# ، ئەندام
دیدار حامد ، ئەندام
بێجان ئیبراھیم، ئەندام
پشتیوان شبیب، ئەندام
ڕێبین ڕەمزی، ڕێڤەبەرێ ڕاگهاندنا یانەیا هەڤلێر
[1]