دواڕۆژ، ئارەزوو محەمەد
قایمقامی #مەریوان# ئاشکرای دەکات، کڕینی کاڵا و شەمەک لەلایەن هاووڵاتیانی هەرێمی کوردستان لە شاری مەریوان، بووەتەهۆی گرانبوونی نرخەکان و نەمانی کاڵا و شمەکە سەرەکییەکان له و شارە.
محەمەد شەفیعی، قایمقامی مەریوان لە ڕۆژهەڵاتی کوردستان لە لێدوانێکدا بۆ ئاژانسی ئیسنای ئێرانی ڕایدەگەیەنێت، ڕۆژانە نزیکەی 1000 هاووڵاتی هەرێمی کوردستان بۆ کڕینی کاڵاوشەمەک لە مەرزی باشماخەوە دێنە شاری مەریوان و بڕێکی زۆر کاڵا و شمەکە سەرەکییەکانیان دەکڕن.
قایمقامی مەریوان، هاتنی هاووڵاتیانی هەرێمی کوردستان بۆ کڕینی کاڵا و شەمەک، بەبێ وێنە ناو دەبات و دەڵێت: ئەم دیاردەیە خەریکە دەبێتەهۆی گرانی و قەیرانێکی جیدی.
پێشتریش ئاژانسی ئیلنای ئێران بڵاویکردووەتەوە، ڕۆژانە هەزاران هاووڵاتی عێراق لە شارەکانی باشوری عێراقەوە بۆ کڕینی کاڵا و شەمەک دەچنە شارەکانی خوزستان وعەبادان و خۆرەمشەهر.
بەوتەی ئیلنا هاووڵاتیانی عێراق بەیانیان دێنە ئێران، بازاڕەکان خاڵی دەکەن و گۆشت، مریشک و تەنانەت نان و خوێش دەکڕن و شه و دەگەڕێنەوە بۆ عێراق.[1]
#12-09-2018#