دووزەلە، دوزەلە یان جفتان ئامێرێکی باژەنی کوردییە. پێشینەی ئەم ئامێرە بە چاندی کاسییەکان دەگەڕێتەوە و نزیک بە 7 هەزار ساڵ دەکرێتەوە. ئامێری دووزەلە جگە لە کوردستان (بە تایبەت ناوچەکانی #کرماشان#، #ئیلام# و #لوڕستان#)، لە شوێنەکانی دیکەی ئێران وەکوو گیلانیش دەژەنرێت، بەڵام ئاخێزگەی چیاکانی زاگروس بووە. دووزەلە وشەیەکی ڕەسەنی کوردییە. زەل (یان چیت، چیتک) لە زمانی کوردی بە جۆرێک گژوگیا دەوترێت. دووزەلە بە واتای دوو دانە زەلە کە لە پاڵی یەکەوە دەچەسپیندرێن.
دووزەلە لە دوو لوولەی مسی پێک هاتووە کە لە پاڵی یەکەوە بەستراونەتەوە. چەشنێک لە دووزەلەکان لە پەڕی داڵ یان ئیسکی باڵندەکان دەسازیندرێن. لە سەری هەرکام لە لوولەکان زەلێک جێ دەگرێت کە لە #پیکەنە#ی پێ دەلێن. هەرکام لە لوولەکان 6 کونی لە سەرە. بنی ئەوپەڕی لوولەکان بازە. درێژایی دووزەلە گۆڕەکە و دەبێ لانیکەم 22 سانتیمەتر و کۆتەری 2 سانتیمەتر بێت.
پانتاییی دەنگی دووزەلە لە نێوان 1 هەتا 2 ئۆکتەیڤە کە بە گەورە و بچۆکیی ئامێرە بەستراوەتەوە.