ئەندامێکی پەرلەمانی کوردستان ڕایدەگەیەنێت: لەیادی 25 ساڵەی هەڵەبجەدا 55 هەزار دۆلار دراوە بەتەوالێت و بەسێو، ئاشکراشیدەکات، 10 هەزار دۆلاریش دراوە بەناودارترین هونەرمەند کەبەشداری یادەکەشی نەکردووە.
سۆران عومەر ئەندامی پەرلەمانی کوردستان لەلیستی کۆمەڵی ئیسلامی لەروونکردنەوەیەکیدا کە بۆ خەندانی ناردووە، ئاماژەی بەوەشکردووە، شڤان پەروەر لەدورو نزیکەوە بەشداری یادی 25 ساڵەی هەڵەبجەی نەکردووە بەڵام 10300 دەهەزارو سێ سەد دۆلاری پێ دراوه و پارەکە لەلایەن حاجی ئەحمەد عیدۆ وەرگیراوە.
ئه و پەرلەمانتارە دەشڵێت: هەر سێوێک بەمێخەکەوە 25 هەزار دیناری تیچووە! پارەکە دراوە بە ئاراس هۆشنگ ایران زادە کۆمپانیای ڤین سیڤ.
دەقی ڕوونکردنەوەکە:
بلاوکردنەوەی ناوو بڕی ئه و کەس و کۆمپانیاو پارانەی لەیادی 25 ساڵەی هەڵەبجەدا وەرگیراوە.
- دروست کردنی تەوالێتی سەفەری 35000 سێ و پێنج هەزار دۆلار، دراوە بە ئاکار محەمەد عبدالله / کۆمپانیای زەمان.
- دروست کردنی 1000 سێوی مێخەک ڕێژ بڕی 20942 بیست هەزارو نۆسەدو چل و دوو دۆلاری تێ چووە!
واتە هەر سێوێک بەمێخەکەوە 25 هەزار دیناری تیچووە! پارەکە دراوە بە ئاراس هۆشنگ ایران زادە/ کۆمپانیای ڤین سیڤ.
- شڤان پەروەر لەدورو نزیکەوە بەشداری یادی 25 ساڵەی هەڵەبجەی نەکردووە بەڵام 10300 دەهەزارو سێ سەد دۆلاری پێ دراوه و پارەکە لەلایەن حاجی ئەحمەد عیدۆ وەرگیراوە.
- بەناوی ڕوماڵکردنی بۆ میدیای نێودەوڵەتی 50000 پەنجا هەزار دۆلار دراوە بەکەسێک بەناوی محەمەد تەلعەت محەمەد جامباز !
- یەک ڕیکلام بۆ یادی 25 ساڵەی هەڵەبجە 10000 دەهەزار دۆلار و پارەکە ئیراهیم محەمەد ئیسماعیل/ کۆمپانیای Opt وەریگرتووە.
- چالاکی قوتابیانی قوتابخانەکانی هەرێم بۆ یادی 25 ساڵەی هەڵەبجە 26897 بیست و شەش هەزارو هەشت سەدو نەوەدو حەوت دۆلار دراوە بۆ (هدر عبدالوهاب و لوقمان جوهرو کاروان مستەفا)
- چاپ کردنی 3000 سێ هەزار گۆڤاری ئاشتی 13688 سیانزە هەزارو شەسەدو هەشتاو هەشت دۆلار، دراوە بەدلێر محەمەد ساڵح.
ئەم هونەرمەدانە ئەم بڕە پارەیان وەرگرتووە بۆ ئه و یادە:
1- بورهان ئەحمەد خۆشناو 21800 بیست و یەک هەزارو هەشت سەد دۆلار، بۆ کلیپی لاوکی جەخار.
2- ئاکۆ ڕەوف عینایات 11713 یانزەهەزارو حەوت سەدو سیانزە دۆلار، بۆ فیلمی هیوا لەفرمسێکە بەجێماوەکاندا.
3- هەڵبەست سەلاح 21189 بیست و یەک هەزارو سەدو هەشتاو نۆ دۆلار، بۆ پانۆرامای ئەنفال.
4- دەرون عەلی محەمەد 13950 سیانزە هەزارو نۆسەدو پەنجا دۆلار، بۆ کاری هونەری.
5- ئاکۆ عەزیز عینایەت 8478 هەشت هەزارو چوارسەدو حەفتاو هەشت دۆلار، هیوا لەپشت فرمێسکەکان.
6- هەژار زەهاوی 60000 شەست هەزار دۆلار، بۆ کاریی هونەری.
7- تارا جاف 7000 حەوت هەزار دۆلار، بۆ کاری هونەری.
8- ڕزگار محەمەد شێخ محەمەد 10820 دەهەزارو هەشت سەدو بیست دۆلار، هونەری شەهیدانی کوردستان.
9- دیاری قەرەداغی 6000 شەش هەزار دۆلار، بۆ کلیپی شەهید.
10- تەها کەریمی 20000 بیست هەزار دۆلار، بۆ کورتە فیلمی هەزارو یەک سێو.
11- ئەنوەر قەرەداغی 28688 بیست و هەشت هەزارو شەسەدو هەشتاو هەشت دۆلار، بۆ هەڵەبجە لەناخمدا.
12- عەدنان کەریم 40000 چل هەزار دۆلار، بۆ بەرهەمی هونەری.
13- ئاراس فەتاح 72600 حەفتاو دوو هەزارو شەسەد دۆلار، بۆ کلیپی کوردستانی من.
14- سۆران ئیبراهیم سلێمان 49000 چل و نۆ هەزار دۆلار، بۆ 7 کورتە فلیم کەدراوە بە سۆران ئیبراهیم سلێمان.
15- کامەران ئەحمەد 30000 سی هەزار دۆلار، بۆ مۆسیقای ڕەنگدان.
- 14-01-2015