ڕۆژنیوز - شرام هەورامی
بەگوێرەی ئامارێکی مەرزی نێودەوڵەتی باشماخ لە ماوەی شەش مانگی ڕابردودا زیاتر لە 59 هەزار تۆن بەرهەمی خواردەمەنی لە مەرزی باشماخەوە هاوردەی هەرێم کراوه، هاوکات بەهۆی نەبوونی مەرجی تەندرووستییەوە بڕی 341 تۆن بەرهەمی خۆردەمەنی و کشتوکاڵی دەستیان بەسەرداگیراوه. بەگوێرەی ئامارەکەی مەرزی نێودەوڵەتی باشماخ کەوێنەیەکی دەست ڕۆژنیوز کەوتووە ئەوە ڕونکراوەتەو کە لەشەش مانگی سەرەتای ئەمساڵدا و لە کەرەنتینەی کشتوکاڵی باشماخ بڕی 59 هەزار و 125 تۆن بەرهەمی خواردەمەنی و کشتوکاڵی لە ڕێگەی مەرزی باشماخەوە لە ئێرانەوە هاوردەی هەرێمی کوردستان کراوە. ئاماژە بەوەشکراوە هەرلەو‌ماوەیەدا 73 سەر ڕەشە وڵاخ پاش ئەوەی پشکنینی ڤێتێرنەریان بۆ کرا و لە پشکنین دەرنەچوون گەڕێنراونەتەوە بۆ ئێران و ڕێگە نەدراوە هاوردەی هەرێمی کوردستان بکرێن. هەر لەئامارەکەی مەرزی نێودەوڵەتی باشماح ئەوەش خراوەتەڕو هەرلەماوی شەش مانگی ڕابردودا لەو ڕێژەیەی کە هاوردەی هەرێمی کوردستان کراوە بەهۆی نەبوونی مەرجی تەندرووستییەوە خراپی کواڵیتیی ئەو خۆراکانەوە توانراوە دەست بەسەر 341 تۆن خۆراک و بەرهەمی کشتوکاڵی بگیرێت بەشێوەیەک کە 232 تۆنیان بەرهەمی کشتوکاڵی بوون و 109 تۆنی تریش بەرهەمی خۆراکی بوو.[1]