دواڕۆژ، عەلی عومەر
بەڕێوەبەرایەتی #ڕەگەزنامە# و باری شارستانی #سلێمانی# ئاماری هەشت مانگی ڕابڕدووی پڕۆسەی #هاوسەرگیری# لە سلێمانی بڵاوکردەوە کە نزیکەی 6328 کەس پڕۆسەی هاوسەرگیرییان ئەنجامداوە.
لەڕاگەیەندراوێکدا بەڕێوەبەرایەتی ڕەگەزنامە و باری شارستانی ئاماژەی بەوەداوە لە مانگی کانونی دووەم (758) کەس و لە شوباتدا (783) کەس و لە مانگی ئازاردا (697) کەس هاوسەرگیرییان ئەنجامداوە.
ئەوەش هاتووە لەمانگی نیساندا (857) کەس هاوسەرگیریی و لەئایاردا (826) و لەحوزەیراندا (516) و لە تەمموزدا (747) هاوسەرگیری ئەنجامدراوە.
بەپێی ڕاگەیەندراوەکە زۆرترین ڕێژەی هاوسەرگیری لە مانگی ئابدا بووە کە (1144) کەس تێیدا هاوسەرگیرییان ئەنجامداوە، کۆی گشتی هەشت مانگ دەکاتە 6328 کەس.[1]
30-08-2017