دەستپێشخەری ڕۆڵەکانی ئاگر لە ڕاگەیێنراوێکدا ئاشکرای کرد، لە بەرواری نێوان 29ی حوزەیران تا 3ی تەموز لە 4 شار چالاکیان ئەنجامداوە.
بە پێی ڕاگەیێنراوەکە، 3ی تەموز لە ناوچەی یەنی مەحەلەی شاری ئەنقەرە کۆگایەکی پاشماوەکان بۆ ڕیسایکلینیان سووتێنراوە.
لە بەردەوامی ڕاگەیێنراوەکەدا هاتووە: 1ی تەموز کارگەیەکی پلاستیک و کۆگایەک لە سەر ڕێگای نێوان بورسا-ئەستەنول سووتێنراوە. کارگەکە کە لەسەر ڕووبەری 6 دۆنم زەوی دروست کراوە، بە تەواوەتی سووتێنراوە و بووە بە خۆڵەمێش.
لە ناوچەی یلدرمی بورساش 3 کۆگای خۆراک لە یەک کاتدا سووتێنران.
2ی تەموز لە ناوچەی گازی ئەمیری ناوچەی ئیزمیر ئاگر لە پێشانگایەکی ئۆتۆمبیل بەردرا و لە ئەنجامدا زیاتر لە 6 ئۆتومبیلی تێدا سووتان. 29ی حوزەیرانیش لە ناوچەی ساپانجای ساکاریا کۆگای کارگەیەکی دروستکردنی کەلوپەلی بانی ماڵان، سووتێنرا.[1]