هاوسەرۆکایەتی کۆنگرەی نەتەوەیی کوردستان لە بارەی شەهیدکردنی ڕێزان جاوید ڕاگەیەندراوێکی بڵاوکردەوە وتیادا دەڵێت: بە داخەوه لە بۆردومانەکەی ڕۆژی 6ی ئابی 2022 فرۆکە بێ فرۆکەوانی دەوڵەتی تورکیا لە گەرەکی سەناعەی شاری #قامشلو# چوار کەس شەهید بوون و ژمارەیەکی دیکەیش برینداربوون کە یەکێکیان یوسف مەحمود ڕەبانی ئەندامی مەجلسی بەرێوەبەری کۆمەڵگای دیموکرات و ئازادی ڕۆژهەڵاتی کوردستان(کۆدار) بوو، کە بە مەبەستی پێشخستنی کاروخەباتی نەتەوەییدا ڕووی لە ڕۆژئاوای کوردستان کردووه.
کەنەکە ئاماژەی بەوەشکردووە: شەهیدبوونی تێکۆشەر یوسف مەحەمەد ڕەبانی خەسارێکی گەوره بوو بۆ بزووتنەوەی ئازادی گەلی کورد لە هەر چوارپارچەی کوردستان و بە تایبەتی بۆ تێکۆشانی ئازادی گەلەکەمان لە ڕۆژهەڵاتی کوردستان.
کەنەکە باسی لەوەشکردووە: داوا لە سەرجەم گەلی کورد و هەموو هێز و لایەنە سیاسییەکانی هەر چوارپارچەی کوردستان دەکەین لە بەرامبەر لەشکرکێشی و داگیرکاری دەوڵەتی تورکیا کە شەڕی لەناوبردنی گەلی کورد بەرێوه دەبات، وەکو ئەرکێکی نەتەوەیی خاوەن هەڵوێست بن. [1]