#بېسارانی#
دڵە ئەر ناڵەت، دڵە ئەر ناڵەت
واچمۍ جە گەردۇن، بوېیەرۊ ناڵەت
جە ئەزەل بەی تەور نویسیان تاڵەت
چ سۇد مەڎۊ پېت، ئەی شیفا و لاڵەت؟
گەردۇن کەی بە قەید ئاهی سەردەوەن؟
داخم، ئای چەند داخ، نە تۊی پەردەوەن
ئەر وە ناڵە و دەرد کەس خەلاس مەکەرد
مەجنۇن جە کۊی نەجد کەی مەبی وە گەرد؟
بېسۇدەن دەعوای خەلاسی کەردەن
خاس ئېدەن ئاوات وازی وە مەردەن
بېڕایێ، چۇن چەرخ غەزەب گېرتەن لېت
کەی سۇد مەوینی تۊ جە مایەی وېت؟
[1]