ناڤێ سێمێل ژدوو پیتا هاتیە (سێ) و (مل) یانکو (سێ گر) دیسان بوچونەکا دن هەیە دبێژیت ڕامانا ناڤێ وێ ژ(سێ مالا) هاتیه. باژێرۆکێ سێمێل دکەڤیتە ڕوژئاڤایێ سەنتەرێ پارێزگەها #دهۆک# ب دوراتیا (16)کم دناڤ دەشتەکا بەرین دا لسەر ڕێکا سەرەکى ئەوا دچیتە #زاخو#، سێمێل ژ باژێرۆکێن کەڤنە بەلگەها ڤێ چەندێ گرکێ مەزنە ئەوێ دنیڤەکا باژێرکى دا کو قەسرەکا مەزن یا ئێک ژمەزنێن ئێزدیا بناڤێ (نمر ئاغا دەنانى) لسەر هەبو. ئەردێ دەڤەرا سێمێلێ گەلەکێ ب پیتە و ژێدەرێ سەرەکى یێ چاندنا دەخل و دانى یە ل پارێزگەهێ ب تایبەتى دەرامەتێ زڤستانێ وەکو گەنم و جە و نیسک و نوک زێدەبارى چاندنێن هاڤینى وەکو باجانک و کەسکاتى و گولەبەڕوژ و گوندور و شتى و بیستانێن فێقى وەکە خوخ سێڤ و هنار و حولیک کو ژبو ئاڤدانا وانا مفا ژبیرێن ئاڤا ژێر ئەرد دهێتە وەرگرتن ژبلى مفا وەرگرنتێ ژ ڕویبارێ دهوکێ ئەوێ د ڕوژهەلاتێ وێڕا دەرباز دبیت. دیسان هەژمارەکا خەلکێ ڤێ دەڤەرێ تەرش و کەوالى ب خودان دکەن کو ژێدەرێ سەرەکە یێ ژیانا وانە، هندەک ژ ڕونشتڤانێن دەڤەرێ ژیک دەست ب کارێ بازرگانیێ کریە ژبەر نێزکیا وان ژ ڕێکا سەرەکە یا دناڤبەرا باشوور و باکوورێ کوردستانێ. ژبەرکو ئەردێ قەزا دەشتە لەوما سنورێن وێ یێن باکورى چیانە و ژدەڤەر چیاى جودا دکەت , ل ڕێڤەبەریا شینوارێت دهوکێ (34) جه هاتینە تومار کرن وەکو جهێن کەڤنا و شینەوار ژوان( گرێ سێمێل، بوسریا، قەشەفرێ، مەم شڤان)
روبەرێ قەزا سێمێلێ (306)کم 2جایە و ژ چار ناحیا پێک دهێت:
1- ناحیا فەیدیێ
2-ناحیا باتێلێ .
3-ناحيا خانکێ.
4- ناحیا شاریا.
ژمارا ڕونشتڤانێن سێمێلێ ژ 200 هزار کەسان تێپەڕ بوویە و ساڵ ب ساڵ بەرفرهتر دبیت.
ل سەردەمێ ڕژێما بەعسا لناڤچوویی هەمى گوندێن دەڤەرێ هاتبونە کاڤل کرن و لشوینا وان هندەک کومەلگەهێن بخورتى چێکرن و خەلکێ ڤێ دەڤەرێ لێ هاتە ئاکنجیکرن , لێ پشتى پێکئینانا حکومەتا هەرێما کوردستانێ ب هاریکاریا ڕێکخراوێن خێرخاز هژمارەکا مەزن یا گوندێن دەڤەرێ هاتنە ئاڤاکرن.[1]