ناڤ: سەرهەنگ
ناڤێ باب: موحسین
ڕوژا ژدایک بوونێ: #01-12-1986#
$ژیاننامە$
سەرهەنگ موحسین ژدایک بوویێ 01-12- 1986، یاریزانەکێ کورد یێ یارییا تەپا پێیە کو ل هێلا گۆڵپارێزیێ یاری دکەت، ئەو یاری ژبو یانەیا هەڤلێر دکر و ل ساڵا 2007ئان دە یاری ژبو هەڵبژاردەیا تەپا پێ یا ئێراقێ کرییە و خودیێ شەش یاریێن نێڤ دەولەتییە. ساڵا 2010ێ جارەک دن بانگهێشتی هەڵبژاردەیا ئێڕاقێ هاتە کرن ژبو دوو یاریێن دۆستانە کو دهەمبەر هەلبژاردەیا تەپا پێ یا سعودیا و هەلبژاردەیا تەپا پێ یا کوریا باشور یاری کرن .
دەستپێکا ژیانا وەرزشی ل ساڵا 2001ئان دە بانگهێشتی تیپا لاوان یا یانەیا وەرزشی یا هەڤلێرێ هاتیە کرن، پشتی سێ مەهان هات ڤەگوهاستن ژبو تیپا ئێەکەما یانەیا وەرزشی یا هەڤلێرێ ژبوو پشکداری کرنێ د خولا نایابا ئێڕاقێ دە، ل ساڵا 2004ێ ڕە پشتی ئەنجام دانا یارییەکە دۆستانە یا دناڤنەرا ئەستێرەیێن هەڤلێر و هەڵبژارتیا لاوێن ئێڕاقێ، سەرهەنگ موحسین هاتە بانگهێشت کرن ژبو تیپا لاوێن ئێڕاقێ و ئەڤە ژی دبیتە ئەگەرا هندێ کوو پشکدارییا جامی نیگاتا بکەتن ل وڵاتێ یابان و ل باژێڕێ ئۆساکای ژبو ژیێ د بن 18 ساڵیێدە. پشتڕە پشکدارییا پالافتنا مۆندیالا لاوان دەکەت ل وڵاتێ مالیزیا. ل ساڵا 2005 هەڵبژاردەیا کوردستانێ هاتە دامەزراندن و دوو یاریێن دۆستانە هەڵبژاردەیا کوردستان و هەڵبژاردەیا ئیڕاقێ کۆم کرن. پشتی دەمەکێ دن ژی دوو یاریێن دن لە هەڤلێر و سلێمانی دناڤبەرا ڤان دوو هەڵبژاردییان بڕێڤەچوو، ل ساڵا 2007 و پشتی یارییا یانەیا وەرزشی یا مینا و هەڤلێر ل بەسڕایی ژبو جارەک دن بانگهێشتا هەڵبژاردەیا ئێڕاقێ هاتە کرن. پشکدارییا کاسێ ڕوژئاڤایێ اسیا و جامێ LG و چار یاریێن دۆستانە دەکەت، پشتی ڤێ چەندێ بانگهێشتا هەڵبژاردەیا ئۆڵۆپیا ئێڕاقێ هاتە کرن ژبو ناڤارتین ئۆڵمپیادا پەکین. ل وەرزێ 2006 - 2017 هەڤلێر ب فەرمی پشتی قوناغی ئێکێ ل خولا نایابا ئێڕاقێ ڤەکشیا و ژبەر ڤێ چەندێ سەرهەنگ موحسینێ گولپارێز بەرێ خوە دا یانەیا وەرزشیا شوڕتە بەغدایێ.[1]