ناڤ: شەوکەت
ناڤێ باب: ڕەشید
ساڵ و جهێ ژدایک بوونێ: 1933 - سلێمانی
روژ و جهێ وەغەرکرنێ: #17-04-1991# - سلێمانی
$ژیاننامە$
ناڤێ وی شەوکەت ڕەشید عیزەتە و ل ساڵا 1933 ل تاخا مەڵکەندیێ باژێڕێ #سلێمانی# ژدایک بوویە. خوەندنا سەرەتایی و ناوەندی ل باژێڕێ سلێمانی تمام کرییە. د ئەخیرێن ساڵێن چل یێن سەدەیا بەری، قوتابخانەیا مۆسیقایا سەربازی ل باژێڕێ #کەرکووک#ێ خوەندییە و شەهرزاییەکە باش ل ئامێریێ کلارنێت بدەست خوەڤە ئیناندییە. ل ساڵا 1963 تەڤی چەند هەڤاڵەکێن خوە تیپا مۆسیقایا سۆلاڤ ل باژێڕێ کەرکووکێ دامەزراند.
ئەڤ هونەرمەندە زوربەیا تیپێن مۆسیقیێن کوردستانێ کارێ هونەری کرییە ژ وانا (مەولەوی، سلێمانی، سۆلاڤ، باواجی، هونەر و وێژەیا کوردی، تەلەڤزیۆنا کەرکووک ) .
شەوکەت ڕەشید خودیێ چەندین سترانانە کو هەتا ڤی دەمەی گوهدارێن تایبەتێن خۆە هەنە. وەکە موزیک ژەنیش ب ئامێرێن مۆسیقایێ ب گشتی و کلارنێتێ ب تایبەتی خزمەتەکە مەزن کرییە و ل پشتی #قادر دیلان# دووهەم هونەرمەندێ کوردە کو ب ڤی ئامیرەی کار کرییە و ل شێوازا هونەرێ ڕۆژئاڤایی ژبو شێوازی هونەریی یێ ڕۆژهەڵاتی مفا ژێ وەرگرتییە و تەڤلی هونەرێ کوردی کرییە.
ئاوازیش ژبو گۆرانی یێن خووە و زورەبەیا هونەرمەندێن دن دانایە و خودیێ چەندین ئاوازێن ناوازەیە. هەروەها هەلبەست ژی نڤیسینە و کرینە ستران. هەر ل بوارێ خزمەت کرنێ هونەرێ کوردیدە، ساڵا 1984 بەرنامەیەک ل تەلەڤزیۆنا کەرکووکێ بناڤێ (ئارەزوومەندان) پێشکەش کر کوو گرنگی ب چاڤپێکەتنا تەڤی هونەرمەندێن گەنج ددا و ل ڕییا ڤێ بەرنامەیێ دە چەند هونەرمەندەکێن لاو دەرکەتن.
هونەرمەند شەوکەت ڕەشید کاریگەریا هونەری لسەر مالباتا خوە ژی هەبوویە و هەر لبەر ڤێ چەندێ سێ کوڕێن وی ڕێیا هونەریا بابێ خوە گرت و خزمەتا هونەرێ موزیکا کوردی کرییە.
ئەڤ هونەرمەندە چەندەها ئاواز و ستران و تێکستێن شیعری وەکە یادگاری ل پشتی خۆە هێلاینە، کو هەردەم ب نەمری دێهێلنەڤە.
هونەرمەند پشتی چەند ساڵەکان ل خزمەت کرنێ ب کەلتوور و هونەرا کوردستانێ ل 17ێ نیسانا 1991 ب نەخوەشی وەغەرا دوایێ کر و ل گوڕستانا شێخ محێدین یا سلێمانیێ هاتە بخاک سپاردن.[1]