دار کرمیش جە وېش نەبۊ، هەزار ساڵۍ مژیوۊ
ئی واتۍ فرە بە نرخەنە، زیاتەر جە زەمینەو (کومەڵایەتی، ڕامیاری، حوکمڕانی)نە کار مەکەرۊن ، بە تەرزێ میللەت وېنا کریان بە (دار)، خەڵکە جاسووس و نۊکەر و سیخوڕەکەیچ بە(کرمی)، پېسە مەزانمۍ کاتێ کرمی سەرو درەختیۆ مژیوۊ، دلېنە کرمۊڵەش مەکەرۊن تاکو بە یەکجاری وشکش کەرۊن، کەسە خرابەکۍ کە چېرەنە یاردی دژمەنا و داگیرکەرا مڎان، جاسووسیشان پەی کەران، میللەتو وېشان توشوو دووە بەرەیی و جەنگ و جەڵەبەی کەران، پېسە چەمساقێ و مەگنا وەڵېشان، ئیتر داگیر کەر بە ئاسانی دەس مەگېرۊ سەرشارە، دماجاریچ هیچ حیسابێ پەی ئا جۊرە کەسا نمەکەرۊن، چونکوم ئاگادارەن کە ئا کەسۍ پەی خەڵک و میللەتو وېشان هیچ وەفێوەشان نەبۊن، ئەی چەنی وەفاشان پەی ئاڎیشان هەنە کە بېگانۍ و داگیرکارېنۍ.[1]