دۊست ئانەن گراونۊت، دژمەنت ئانەن لاونۊت
گەر بە ڕواڵەت تەماشەو واتەکۍ کەرمۍ وینمۍ ناکۊکیێش چەنەن، چوونکووم لاونای خاستەرەن جە گراونای، وەختێ کەسێ نزیک، یان دۊسێ بە وەفا مۊچیاریت مەکەرۊن، ڕەنگە قسۍ ڕەقۍ بیاونۊ دڵت، پەنەت ناوەش بۊن، بەڵام ئانە کاتیەن، پەشتەو مۊچیاریەکاوە سوودێ گۆرە مێنە ڕات، ڕەنگە تۊ سەرو ڕایێوە ناڕاسېوە بی، ئاڎ پا مۊچیارییە ڕەقا ڕاکېت ڕاسە مەکەرۊوە، بەڵام فرەو جاری خەڵکی دەروون نەوەش، دژمەن، بە دڵو وېت قسېت پەی کەرۊن، ئاڎ گەرەکشەن سەرو ئا ڕێوە مەنیۆ کە لارەنە، حەزش بە سوودو تۊ نییەن.[1]