لە قەندیلەوە تا دێرسیم تێکۆشانێکی ئەفسانەیی 22 ساڵە
#12-06-2023#
هەپەگە زەردەشت ئاگری بەڕێزەوە یادکردەوە و ڕایگەیاند، هاوڕێمان زەردەشت لە خنێرەوە تا زاپ، لە قەندیلەوە تا دێرسیم، لە دەریای ڕەشەوە تا گارە 22 ساڵ لەسەر هێڵی گیانبازی تێکۆشانێکی ئەفسانەیی بەڕێوەبرد.
ڕاگەیەنراوی ناوەندی ناوەندی ڕاگەیاندن و چاپەمەنی هەپەگە بەم جۆرەیە:
فەرماندەی لەخۆبوردووی ئاپۆیی هاوڕێمان زەردەشت ئەو کاتەی لە ئاستی فەرماندەیی هەرێمی گارەدا ئەرکداربوو، لە 4ی تشرینی یەمەکی 2022 لە ئەنجامی هێرشێکی دوژمندا شەهیدبوو. هاورێمان زەردەشت لە خنێرەوە تا زاپ، لە قەندیلەوە تا دێرسیم، لە دەریای ڕەشەوە تا گارە 22 ساڵ لەسەر هێڵی گیانبازی وەک سترانێک تێکۆشانێکی ئەفسایی بەڕێوەبرد. جەنگاوەریی لەخۆبوردووی ئاپۆیی و داوا و ئاواتەکانی تێکۆشانی هاوڕێ زەردەشت بۆ هاوڕێیانی دەبێتە نمەنە، ئەو ئامانجانەی لەپێناویاندا بە گیانبازییەوە تێکۆشا بە دڵنیاییەوە دێنەدی.
سەرەخۆشی لە بنەماڵەی بەڕێز و بەنرخی هاورێمان زەردەشت، خەڵکی وڵاتپارێزی ئەلباک و تەواوی گەلی کوردستان دەکەین.
زانیاری لەبارەی ناسنامەی هاورێمان زەردەشت ئاگر بەم جۆرەیە:
ناسناو: زەردەشت ئاگر
ناو و پاشناو: ئایڤاز بەیاز
شوێنی لەدایکبوون: وان
ناوی دایک - باوک: شارستان- کازم
کات و شوێنی شەهیدبوون: 4ی تشرینی یەکەمی 2022/ گارە
هاوڕێمان زەردەشت ئاگر ساڵی 1984 لە گوندی خۆکانێی ناوچەی ئەلباکی وان لەدایکبوو. لە ساڵی 1999 پورزایەکی لە ناوچەی قەلقەلی وان و لە 2007یشدا ئامۆزایەکی لەبۆتان شەهیدببوون. لەبەرانبەر پیلانگێڕی نێونەتەوەیی دژی ڕێبەر ئاپۆ و بۆ پوچەڵکردنەوەی ئامامانجەکانی ئەو پیلانگێڕییە لە ساڵی 2002دا هاتە ناو ڕیزەکانی گەریلا.
لە خنێرە پەروەردەی سەرەتایی بینی. دوو ساڵ لە خنێرەبوو، لە کۆتایی 2001دا چووە ڕیزی هێزی تایبەت بۆ ئەوەی ببێتە گیانبازێکی ئاپۆیی. تا ساڵی 2006 لە قەندیلەوە تا زاپ لە زۆر گۆڕەپانی هەرێمەکانی پاراستنی مێدیا بەرپرسیارییەتی جیاجیای لە ئەستۆ گرت و لە هەموو کارێکدا سەرکەوتنی بە بنەما گرت و لەوپێناوەدا هەوڵیدا.
ساڵی 2006 هاوڕێمان زەردەست پەڕیەوە بۆ باکووری کوردستان و تا ساڵی 2009 لە دێرسیم بەشداری چەندین چالاکی کرد. لەنێوان ساڵی 2009 تا 2012 لە دەریای ڕەش بوو، دواتر گەڕایەوە بۆ دێرسیم و تا ساڵی 2015 لە دێرسیم مایەوە و پاشان ڕوویکردە هەرێمەکانی پاراستنی مێدیا. دوای تەواوکردنی ئەکادیمیای سەربازی مەعسوم کۆرکماز بەشداری لە کار و چالاکییەکانی هێزی تایبەتدا کرد و لە گۆڕەپانی جیاجیادا ئەرک و بەرپرسیارییەتی وەرگرت و دوایین بەرپرسیارییەتیشی ئەندامێتی دەستەی فەرماندەیی گارەبوو تا ئەو کاتەی لە ئەنجامی هێرشێکی دوژمندا لە 4ی تشرینی 2022 شەهیدبوو.
هاوڕێمان زەردەشت بە کەسایەتی خاکەڕا و لێبوردە و دەروێشانەی خۆی بەشداری لە هەموو کارێکدا دەکرد، جیاوازی نەدەکرد لەنێوان کاری بچوک و گەورە، لە بچوکترین کارەکانی ناو ژیانی ڕۆژانەوە تا چالاکی گەریلا، پەروەردەکردنی هاوڕێیانی خۆی بە ورەوە و لە فەرماندەیی هەرێم، لە هەموو کارێکدا ڕەنج و ماندووبوونی گەورەی کێشا. هاورێ زەردەشت لە ناو دەریای تێکۆشان و پەکەکەدا خۆی وەک دڵۆپێک پێناسە دەکرد و هەوڵیدا لەناو ئەو دەریایەدا بە سەرکەوتوویی ئەرکی خۆی جێبەجێ بکات.[1]