خوڎا نەکەرۊ وېش ورنۊ
پېسە مزانمۍ وۍ ورنای کردێ سرووشتین، گرڎ کەسێ جە هەر دەمێنە ڕەنگە دەس بەرۊ پەی یاگێوە لاشەیش، ورنۊش، یام یاگە گازو مەشوولێوە ورنۊ.
ئی ڕەفتارە جە ئینسانەکانە چەنی کردەو زەڕ بەرئاردەی جە باخەڵەنە یۊی مشان، جارا زەڕ وزېنۍ باخەڵەو چۊخۍ جلە کوردیا. بە کەسی ڕەزیلی واچیان، پەی نموونەی گەر چن کەسێ، یام چن ڕەفېقێ لوێبا پەی نان واردەی، یام پەی کەبابخانەی، دمای دەس شتەی هەر یۊشان حەڼاو وېشۆ دەسش کەردەن باخەڵەشەرە بە نیازو زەڕدای، بەڵام کەسی ڕەزیل وېش خەڵافنان، یام وېش دما وستەن جە نان واردەکەی، ئیتر پەنەشا واتەن:
ئڼە ڕەزیلا، خوڎا نەکەرۊ وېش ورنۊ.[1]