تڕنەش ڕیشو بابەیشەرە
ئیدیۆمێن، جە وەختو جەنگینە بەکارش ماران، پەی نموونەی گەر دوۍ کەسۍ گژیان، یۊشا پەویشا ماجۊ: تڕنووت ڕیشو بابەیتەرە.
یام کەسێ تەر پەنەش ماچۊ:
ئا لوە تڕنەش ڕیشو بابەیشەرە.
هەرچن ئی دەسەواچۍ، یام ئیدیۆمۍ مانێوە قووڵە و ڕۊشنەش نیەنە، بەڵام ڕەنگە مەخسەڎشا چانەیە ئانە بۊن، کە ئڼەش دە وەنە تاکو بابەش بزانۊ کە چ تۊمێش کاڵان، چ پیێوەش وستەنۆ؟
یان مەخسەڎش ئانە بۊ هەکە بە شەقکاری یاونەشۆ وەردەمو بابەیش تاکو بزانۊ چ پێوەن.
ئی ئیدیۊمۍ پېسە فرەو ئیدیۊمەکا هەم واچۍ گولۍ و هەم زیڼەکەردەیۆ دیمەنو جەنگین میانو چن کەسێنە، بەڵام ئیتر بەشێنۍ جە فەرهەنگو ئېمە، پەوکەی مەشۊم پارېزنمېشان.[1]