ئەجۊ پا هېڵارە منیۊ:

هېڵە پېسە پۑکئاماکەیش ناسکەن، بە تۊکڵێ شاش و باریک دۆرە دریان، بە کەمتەرین وەرکۆتەی مەڕیۊن.
بڕێ کەسۍ هەنۍ وەختو ڕۊتیشانە فرە بە هەستیاری و نەرم و نېیانی ویەران، پەلە پەل نمەکەران، فرەو جاری بە لەنجە و لار ملان ڕانە، مەبان بە یاگۍ سەرنجەو خەڵکا تەری، هەر پەوکەی پېسە تالېقێ پەنەشان ماچان: ئەجۊ سەرو هېڵارە ویەرۊ ئڼە بە تەرسیۆ قاچۍ فاڕۊوە، پېسە واتما هېڵە فرە ناسکەن، بنیاڎم نمەتاوۊ پا بنیۊ هېڵەرە، چوونکوم مەڕیۊن، مەشۊم بە تەرزێ بۊن قاچش نەگنۊ سەرو هېڵەکا، یانی بە تەرزێ بۊن پېسە ماچان هەوایی ویەرۊن.[1]