بەڼەیی هەر پەی خوڎای خاسەن
ئەچی دنیانە، مروڤەکۍ بڕێ فرېشا بەڼېنۍ، ئیتر بەڼەیی پەی خەڵکی، پەی دەسەڵاتدارا، بەڼەیی پەی هەوا و هەوەسی، پەی ئارەزوەکا، یام بەڼەیی پەی خوڎای گۆرەی، کە ئینەشا هەرمانێ ڕاسەنەو مروڤەکۍ چەنەش زەرەر نمەکەران.
ئی پەندۍ جە چن حاڵەتێنە بەکار ماران، پەی نموونەی گەر کەسێ هەرمانە کەرۊ پەی ئاغێوە، یام دۊڵەمەڼێ وەراوەر بە هەقدەسێ کەمی، بەڵام زوو زوویچ کواشۆ میاچەماشەرە، یام بە تالېقېوە پەنەش واچان، خەفەت مەوەرۊن و ماچۊ: بەخوڎا بەڼەیی هەر پەی خوڎای خاسەن.
مەبەسش چانەیە ئانەن کە گەر بەڼەو خوڎای بی، هیچ عەیبش نییەن چەنە، یام خوڎای گۆرە هەرگیز منەتە نمەکەرۊ ملو بەڼەکاشەرە پېسە بنیاڎمەکا.[1]